මිනුවන්ගොඩ පොකුරේ තවත් පිරිසක් සුවය ලබයි

මිනුවන්ගොඩ කොවිඩ් -19 ආසාදිත පොකුරෙන් මේ දක්වා පුද්ගලයින් 186දෙනෙකු සුවය ලබා රෝහල්වලින් පිටව ගොස් ඇතැයි යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා සදහන් කරයි.

 

ඒ අනුව මිනුවන්ගොඩ ඇඟලුම් කර්මාන්ත ශාලාවෙන් පළමු ආසාදිත කාන්තාව වාර්තා වු දින සිට අද දක්වා වු කාලය තුළ එම පිරිස සුවය ලබා ඇතැයි ද යුද හමුදාපතිවරයා පැවසීය.

 

ඊයේ දිනයේ දී පමණක් ආසාදිතයින් 166ක් වාර්තා වී ඇත. 

 

එසේම මේවන විට මෙරටින් වාර්තා වී ඇති සමස්ථ ආසාදිතයින් සංඛ්‍යාව 5,977ක්වන අතර සුවය ලැබූ සමස්ථ පිරිස 3,501ක් වේ.