කල් දැමීම්

කාන්තා පාපන්දු:

2021 දී එංගලන්තයේ පැවැත්වීමට නියමිතව තිබූ කාන්තා යුරෝපීය පාපන්දු ශූරතා තරගාවලිය කල්දැමීමට එහි සංවිධායකයන් තීරණය කර තිබේ. ඩෙන්මාර්කයේ පාපන්දු සංගමය රටවල් කිහිපයක් සමඟින් සිදුකළ විඩියෝ සාකච්ඡා මගින් මෙම තීරණය ගෙන ඇත. ඒ නව කොරෝනා වෛරසය හේතුවෙන්.

කාන්තා යුරෝපී පාපන්දු ශූරතා තරගාවලිය 2021 වසරේ ජුලි මස 11 වැනිදා සිට අගෝස්තු මස පළමු වැනිදා දක්වා පැවැත්වීමටයි නියමිතව තිබුණේ.

කෙසේ වෙතත් මේ දක්වා එංගලන්ත පාපන්දු සංගමය තරගාවලිය කල් දැමීම නිල වශයෙන් තහවුරු කර නොමැති බවද විදෙස් මාධ්‍ය වාර්තා සඳහන් කර තිබේ.

ටෙනිස් :

ජුනි මස 29 වැනිදා සිට ජුලි මස 12 වැනිදා දක්වා පැවැත්වීමට නියමිතව තිබූ විම්බිල්ඩන් ටෙනිස් තරගාවලිය අත්හිටුවීමට පියවර ගෙන තිබේ. දෙවන ලෝක යුද්ධයෙන් පසු එලෙස තරගාවලිය කල් දැමුවේ ප්‍රථම වතාවටයි.

1877 දී ආරම්භ වූ විම්බිල්ඩන් තරගාවලිය ලොව පැරණිතම ටෙනිස් ශූරතාවලිය යි.

The post කල් දැමීම් appeared first on Lanka News Column.