පසුගියදා පැවැති රුසියානු ජනාධිපතිවරණයේ දී විශිෂ්ට ජයග්රහණයක් ලබාගත් රුසියානු ජනාධිපති ව්ලැඩ්මීර් පුටින් මහතා වෙත ජනාධිපති මෛත්රීපාල සිරිසේන මහතා සිය උණුසුම් සුබ පැතුම් පිරිනමයි.
රුසියානු ජනාධිපති ව්ලැඩ්මීර් පුටින් මහතා වෙත විශේෂ සුබපැතුම් පණිවිඩයක් යොමුකරමින් ජනාධිපතිවරයා සඳහන් කර තිබෙන්නේ ව්ලැඩ්මීර් පුටින් මහතා ලබාගත් මෙම විශිෂ්ට ජයග්රහණය එතුමාගේ නායකත්වය සහ දේශපාලන පරිනතභාවය පිළිබඳ රුසියානු ජනතාව තබා ඇති විශ්වාසය තවදුරටත් තහවුරු කරන්නක් බවයි.
රුසියාව සහ ශ්රී ලංකාව අතර පවතින ද්විපාර්ශ්වික සබඳතා වඩාත් ප්රගතිශීලි සහ ශක්තිමත් සබඳතාවක් බවට පත්කර ගැනීමට ඉදිරියේ දී අපේක්ෂා කරන බව සිය නිවේදනයේ වැඩිදුරටත් සඳහන් කර තිබෙන ජනාධිපතිවරයා දෙරටේ පොදු අභිලාෂයන් සාක්ෂාත් කර ගැනීමට කලාපීය සහ බහුපාර්ශ්වීය වශයෙන් එක්ව කටයුතු කිරීමට දෙරටට හැකියාව ලැබෙනු ඇති බව ද සඳහන් කර තිබේ.
0 Comments