ඓතිහාසික සෝමාවතී පුද බිමේ ආගමික වතාවත්වලට ජනපති එක්වෙයි

ජනතාවට සහ රටට සෙත් පතා පොළොන්නරුව ඓතිහාසික සෝමාවති විහාර පුද බිමේ පසුගිය (30) වැනිදා පැවති ආගමික වතාවත්වලට ජනාධිපති ගෝඨාභය රාජපක්ෂ මහතා එක් විය.

සෝමාවතී පුදබිමට පැමිණි ජනාධිපතිවරයා රාජමහා විහාරාධිපති පූජ්‍ය පහමුණේ ශ්‍රී සුමංගල හිමියන් බැහැ දැක ආශිර්වාද ලබා ගත්තේය.

සෝමාවති සෑ රදුන් වෙත සිදු කෙරුණු කප්රුක් පූජාවට ද ජනාධිපතිවරයා සහභාගි විය. සෝමාවති පුදබිම බොහෝ අවස්ථාවල ගංවතුර තත්ත්වයන්ට ලක් වෙයි. සෝමාවති රජමහා විහාරාධිපති ස්වාමීන් වහන්සේගේ ඉල්ලීම පරිදි එවැනි ආපදා තත්ත්වයකදී සහාය විය හැකි ආකාරයෙන් ගුවන් හමුදාව ඉදිකළ ‘හෙලිකොප්ටර් යානාංගණය” ද රාජපක්ෂ මහතා අතින් එහිදී විවෘත කෙරිණ. ගුවන් හමුදාපති එයාර් මාර්ෂල් සුමංගල ඩයස් මහතා ද ඊට එක්ව සිටියේය.