වසර 9කට පසු ආසියානු නෙට්බෝල් තරගාවලියේ ශූරතාව දිනාගත් සහ කැරම් ලෝක ශූරතාවලියේදී ශ්රී ලංකාවට කීර්තියක් අත්කරදුන් කණ්ඩායම් නියෝජනය කළ ගුවන් හමුදා ක්රීඩක ක්රීඩිකාවන්ට ගුවන් හමුදාවෙන් උපහාර පිරිනැමුණි.
මේ කණ්ඩායම් නියෝජනය කළ ගුවන් හමුදා සාමාජික සාමාජිකාවන්ට ඔවුන් විසින් ගුවන් හමුදාවට අභිමානයක් අත්කරදීම වෙනුවෙන් සහ ඔවුන්ගේ දක්ෂතා ඇගයීම ගුවන් හමුදාධිපති එයාර් මාර්ෂල් කපිල ජයම්පති මහතාගේ ප්රධානත්වයෙන් පසුගියදා ගුවන් හමුදා මූලස්ථානයේදී පැවැත්විණි. මෙහිදී ගුවන් හමුදාධිපතිතුමන් විසින් ක්රීඩක ක්රීඩිකාවන්ට උසස්වීම් ප්රදානය කරන ලද අතර මුදල් ත්යාග ප්රදානයක්ද සිදු කරන ලදී. ගුවන් හමුදාපතිතුමාගේ සංකල්පයකට අනුවගුවන් හමුදා ක්රීඩක ක්රීඩිකාවන් දිරිගැන්වීමේ අරමුණින් මේ වැඩසටහන සංවිධාන කොට තිබිණි.
ගුවන් හමුදා මාණ්ඩලික ප්රධානී එයාර් වයිස් මාර්ෂල් සුමංගල ඩයස් මහතා ඇතුළු ගුවන් හමුදා අධ්යක්ෂක මණ්ඩලය, ගුවන් හමුදා කැරම් සංචිත සභාපති ගෲප් කැප්ටන් තුෂාර සිරිමාන්න, ගුවන් හමුදා නෙට්බෝල් සංචිත සභාපතිනී ගෲප් කැප්ටන් සුරේඛා ඩයස් සහ ගුවන් හමුදා ක්රීඩා කවුන්සිල ලේකම් ගෲප් කැප්ටන් පද්මන් ද කොස්තා මහත්ම මහත්මිහු ද මේ අවස්ථාවට සහභාගී වූහ.
මෙහිදී උපහාර ලද ක්රීඩක ක්රීඩිකාවන් මෙසේය.
නෙට්බෝල්
චතුරංගි ජයසූරිය (ශ්රී ලංකා නෙට්බෝල් නායිකා/ෆ්ලයිට් ලෙෆ්ටිනන්ට්)
සුලේකා කුමාරි (සැරයන්)
තිලිණි වත්තේගෙදර (සැරයන්)
දුලංගා ධනන්ජි (නායක ගුවන් කාන්තා)
කැරම්
යශිකා රාහුබද්ද (නායක ගුවන් කාන්තා)
චලනි ලියනගේ (නායක ගුවන් කාන්තා)
උදේශ් පෙරේරා (නායක ගුවන් භට)
0 Comments