එංගලන්තයේ හර්ඩ්ෆෝෂීඩ් විශ්වවිද්‍යාලයේ පැවැති තෙවැනි ශාරීරික චී ගෝන් තරගාවලියේදී ශ්‍රී ලංකාව නියෝජනය කරමින් එක්වූ ශ්‍රී ලංකා ශාරීරික චී ගෝන් කණ්ඩායම විශිෂ්ට දස්කම් දක්වමින් රන් පදක්කමක් ද්විත්වයක්, රිදී පදක්කමක් සහ ලෝකඩ පදක්කම් 6ක් දිනා ගැනීමට සමත් විය. මේ තරගාවලියේදී චීනය සමග එක්වීමට ලැබුණු විශේෂ ආරාධනයක් මත සහභාගිවූ ශ්‍රී ලංකා කණ්ඩායම මහේෂ් විතාරනපතිරණගේ නායකත්වයෙන් තරග වැදුණි.
රටවල් 18ක් නියෝජනය කරමින් එක්වූ තරගාවලියේදී ශ්‍රී ලංකා කණ්ඩායම ද වූ ඉසව්වෙන් පළමු ස්ථානයද, බා දුවාන් ජින් කණ්ඩායම් තරගාවලියේ දෙවැනි ස්ථානයද ලබා ගැනීමට සමත් විය. මීට අමතරව කේවල ඉසව්වලදී මහේෂ් විතාරනපතිරණ රන් හා රිදී පදක්කම බැගින් දිනාගත් අතර මනෝජ් විජේසූරිය රන් හා ලෝකඩ පදක්කම බැගින්ද, ඉෂාරි ගුණරත්න ලෝකඩ 2ක්, ඉමාෂි ගුණරත්න ලෝකඩ 2ක් සහ බුවනෙක ගුණරත්න ලෝකඩ පදක්කමක් දිනා ගැනීමට සමත් වූහ.
0 Comments