ත්‍රිකුණාමලය දිසාපති අභියෝගතා කුසලාන ක්‍රිකට් තරගාවලියේ ශූරතාව දිනා ගැනීමට කින්නියා ප්‍රාදේශීය ලේකම් කාර්යාලය සමත්වූ අතර අනුශූරතාව මුතුර් ප්‍රාදේශීය ලේකම් කාර්යාලයට හිමිවිය.
10 වැනි වරටත් එහාම්බරම් ක්‍රීඩාංගණයේ පැවැති තරගාවලියේදී ප්‍රාදේශීය ලේකම් කාර්යාල 11ක් සහ දිසාපති කාර්යාල කණ්ඩායම තරග වැදුණි. අවසන් තරගයේදී මුතුර් ප්‍රාදේශීය ලේකම් කාර්යාල කණ්ඩායම පළමුවෙන් පන්දුවට පහර දෙමින් සිය ඕවර 10 තුළදී කඩුලු 8ක් දැවී ලකුණු 78ක් ලබාගත් අතර පිළිතුරු ඉනිම ක්‍රීඩා කළ කින්නියා ප්‍රාදේශීය ලේකම් කාර්යාල කණ්ඩායම ඕවර 7.5කදී කඩුලු 6ක් දැවී ජය තහවුරු කළේය.
දක්ෂතම පන්දු යවන්නා හා තරගාවලියේ වීරයා ලෙස දිසාපති කාර්යාලයේ ශක්ති කුමරන්ද, අවසන් තරගයේ වීරයා ලෙස කින්නියා ප්‍රාදේශිය ලේකම් කාර්යාලයේ එම්.ඒ.එම්.අම්හාර ද, දක්ෂතම පිතිකරු ලෙස මූතුර් ප්‍රාදේශිය ලේකම් කාර්යාලයේ මොහොමඩ් සජාන් සම්මාන ලැබූහ.
ජය සංකේත ප්‍රධානය දිසාපති එන්.ඒ.ඒ.පුෂ්පකුමාර , අතිරේක දිසාපති කේ.අරුන්දවරාජා, සහකාර දිසාපති එන්.ප්‍රදීපන්, ප්‍රාදේශිය ලේකම් ජේ.එස් අරුල්රාජා මහත්වරු සමග ගණකාධිකාරි පී.ඩබ්.භාග්‍යා මහත්මිය එක්වුහ.
0 Comments