නිමල් රාජපක්ෂ, සුභාෂිණී සේනානායක
රුපියල් 94 72,500ක් වටිනා වල්ලාපට්ටා තොගයක් රැගෙන ඩුබායි බලා ගමන් කිරීමට පැමිණි ශ්‍රීලාංකික පුද්ගලයින් හතර දෙනෙකු පසුගියදා (14) පෙරවරු 10.30 ට පමණ ගුවන් තොටුපල රේගු නිලධාරීන් අත්අඩංගුවට ගෙන ඇත.
අත්අඩංගුවට ගත් වල්ලාපට්ටා තොගයේ කිලෝ 119 ක් තිබු බව රේගු මාධ්‍ය ප්‍රකාශක ,රේගු අධ්‍යක්ෂ සුනිල් ජයරත්න මහතා පවසයි. අදාළ පුද්ගලයන් හතර දෙනා නීති විරෝධී ලෙස වල්ලාපට්ටා තොගය ඊ.කේ 2529 හා ඩබ්ලිව්.වයි 376 දරන එමිරේස්ට් සහ ඕමාන් යන ගුවන් සේවාවන්ට අයත් ගුවන් යානා දෙකකින් ඩුබායි බලා රැගෙන යාමට උත්සාහ කළ අවස්ථාවේදි රේගු නිලධාරීන් කොටුකර ගෙන ඇත.
අත්අඩංගුවට ගත් පුද්ගලයන් හතර දෙනා අවුරුදු 28,34,39 හා 46 වන වියේ පසුවන මීගමුව ප්‍රදේශයේ පදිංචි වුවන් බව ද සුනිල් ජයරත්න මහතා පවසයි.
වල්ලපට්ටා තොගය රාජසන්තක කිරීම හා අදාල පුද්ගලයන්හට දඩුවම් නියම කිරීම පිළිබද රේගු නිලධාරිහු වැඩිදුර පරීක්ෂණ පවත්වති.
0 Comments