මැලේසියාවේ බෝර්නියෝ හී පැවැති ආරාධිත සත් සාමාජික රග්බි තරගාවලියට එක්වූ ශ්‍රී ලංකා කාන්තා රග්බි පිල ඊයේ සිංගප්පූරුවට එරෙහිව ලකුණු 24-5ක ජයක් වාර්තා කරමින් තරගාවලියේ තුන්වැනි ස්ථානය දිනාගැනීමට සමත්විය. රන්දිකා කුමුදුමලීගේ නායකත්වයෙන් තරග බිමට පිවිසි ශ්‍රී ලංකා ක්‍රීඩිකාවෝ තුන්වැනි ස්ථානය දිනාගනිද්දී සුදර්ශන මුතුතන්ත්‍රීගේ නායකත්වයෙන් යුතු ශ්‍රී ලංකා පිරිමි කණ්ඩායම හොංකොං ඩ්‍රැගන්ස් පිල හමුවේ ලකුණු 20-17කින් පරාජයට පත්විමෙන් සිවුවැනි ස්ථානයෙන් සෑහීමකට පත්වීමට සිදුවිය.
පසුගිය වසරේ තරගාවලියේ කුසලානය ජයගනිමින් මෙරට කාන්තා රග්බි ක්‍රීඩා ක්ෂේත්‍රයට නව පිටුවක් එක් කිරීමට ශ්‍රී ලංකා ක්‍රීඩිකාවෝ සමත්වූවත් මෙවර තරගාවලියේදී කුසලාන වටයේ අවසන් පූර්ව තරගයෙන් තායිලන්තය හමුවේ ලකුණු 19-12කින් පරාජයට පත්වීය. කුසලාන වටයේ අවසන් පූර්ව තරගයේදී ශ්‍රී ලංකා ක්‍රීඩකයන් පරාජයට පත්වූයේ පසුගිය වසරේ කුසලානය දිනාගත් බෝර්නියෝ ඊගල්ස් පිල හමුවේය.
0 Comments