මේ වසරේ අවසන් භාගයේදී ඉන්දීය සංචාරයක නිරතවන බටහිර ඉන්දීය කොදෙව් පිල සමග ඉන්දීය භූමියේ පැවැත්වෙන පළමු දිවා රාත්‍රී ටෙස්ට් තරගය රාජකොට් නුවර හෝ හයිද්‍රබාද් නුවර පැවැත්වීමට අවධානය ඉන්දීය ක්‍රිකට් පාලක මණ්ඩලයේ අවධානය යොමුවී තිබේ.
ඉන්දීය ක්‍රිකට් පාලක මණ්ඩලයේ සංචාර හා තරග කාලසටහන පිළිබඳ කමිටුව ඊයේ රැස්වූ අතර මේ තරගය කෙරෙහි එහිදී වැඩි අවධානයට ලක්වී තිබිණි.
මේ තරගයට එරට ශ්‍රේෂ්ඨාධිකරණය විසින් නම් කර ඇති පරිපාලන කමිටුවේ අනුමැතිය ලබාගත යුතුව ඇති බවත්, ඉදිරියේදී රාජ්කොට් හෝ හයිද්‍රබාද් නුවර මේ තරගය සඳහා තෝරා ගැනීමෙන් පසුව එය අනුමැතියට යොමු කිරිමට එරට ක්‍රිකට් පාලක මණ්ඩලය තීරණය කර තිබේ.
බටහිර ඉන්දීය කොදෙව් කණ්ඩායමේ සංචාරයට පෙර ඉන්දියාව සිය අසල්වාසී ඇෆ්ගනිස්තානයට එක් ටෙස්ට් තරගයක් සඳහා සත්කාරකත්වය ලබාදීමට සූදානමින් සිටී. එම තරගය ජූනි මස 14 වැනිදා බැංග්ලූර් හීදී පැවැත්වෙයි. ඉන් පසුව ආසියානු කුසලාන තරගාවලිය සැප්තැම්බර් මස 18 වැනිදා ආරම්භ වීමට නියමිතය. එය ඉන්දියාවේ පැවැත්වීම තීරණය කෙරෙන්නේ පාකිස්තාන ක්‍රිකට් කණ්ඩායමට ඉන්දියාවේ සංචාරය කිරීමට එරට රජයේ අනුමැතිය හිමිවීම මතය.
0 Comments