ශ්‍රී ලංකා යුද හමුදා ක්‍රිකට් පිල මැලේසියාවට

මැලේසියා ක්‍රිකට් සංගමයේ ආරාධනාවක් පරිදී ශ්‍රී ලංකා යුද හමුදා ක්‍රිකට් කණ්ඩායම මැලේසියාවේ සංචාරයක් සඳහා පසුගියදා දිවයිනෙන් පිටත්ව ගියේය.

මෙහිදී ශ්‍රී ලංකා යුද හමුදා කණ්ඩායම ලබන මස 5 වැනිදා දක්වා තරගාවලියකට එක්වෙයි. යුද හමුදා කණ්ඩායම නියෝජනය කරන ශ්‍රී ලංකා ජාතික ක්‍රිකට් කණ්ඩායමේ සාමාජිකයන් වන ලුතිතන් අජන්ත මෙන්ඩිස් සහ බලලත් නිලධාරී 1 සීක්කුගේ ප්‍රසන්න ද මේ තරග සංචාරයට එක්වෙති. ැලේසියාවේ පැවැත්වෙන එන්.එස්.සී.ඒ. ජත්‍යන්තර ශූරතා ලීග් විස්සයි20 ක්‍රිකට් තරගාවලියේ දී යුද හමුදා ක්‍රිකට් කණ්ඩායමට ජාත්‍යන්තර ක්‍රිකට් කණ්ඩායම් කිහිපයක් හා තරග වැඳිමට ද අවස්ථාව හිමි වේ.

ඉන් අනතුරුව, යුද හමුදා කණ්ඩායම අප්‍රේල් මස 1 සිට 3 දා දක්වා මැලේසියා ජාතික ක්‍රිකට් කණ්ඩායම සමඟ එක්දින තරග 3ක් ක්‍රීඩා කිරීමට නියමිතය.