ලේක්හවුස් සංවිධාන කළ ක්‍රීඩා උළෙලේ සමස්ත ශූරතාව ශ්‍රී ලංකා රක්ෂණ සංස්ථාවට

අනුශූරතාව දිනාගත් ඩී.එෆ්.සී.සී පිල

සභාපති ක්‍රිෂාන්ත කුරේ මහතා සමග ලේක්හවුස් කණ්ඩායම

හිල්ටන් හෝටලය නියෝජනය කළ කණ්ඩායම

ලේක්හවුස් ආයතනයේ සභාපති ක්‍රිෂාන්ත කුරේ මහතාගේ සංකල්පයක් මත ලේක්හවුස් ක්‍රීඩා සංගමය මගින් මෙහෙයවන ලේක්හවුස්, ශ්‍රී ලංකා රක්ෂණ සංස්ථාව, ඩී.එෆ්.සී.සී. බැංකුව සහ හිල්ටන් හෝටලය යන ආයතන එක්ව සුහදත්වය වර්ධනය කරගැනීමේ අරමුණින් සංවිධාන කළ ක්‍රීඩා තරගමාලාවේ ශූරතාව දිනා ගැනීමට ලකුණු 160ක් ලබාගත් ශ්‍රී ලංකා රක්ෂණ සංස්ථාව සමත් විය. සමස්ත අනුශූරතාව ඩී.එෆ්.සී.සී බැංකුවට හිමිවූ අතර තෙවැනි ස්ථානය ලේක්හවුස් ආයතනයටත්, සිවුවැනි ස්ථානය හිල්ටන් හෝටල් කණ්ඩායමටත් හිමිවිය.

ක්‍රීඩා උළෙලේ අවසන් ඉසව්වවූ සැහැල්ලු පන්දු ක්‍රිකට් තරග සහ ජය සංකේත ප්‍රදානෝත්සවය පෙරේදා (19) කොළඹ ශ්‍රී ලංකා ගුවන් හමුදා මූලස්ථාන ක්‍රීඩාංගණයේදී පැවැත්විණි.

හිටපු ක්‍රිකට් ක්‍රීඩක ග්‍රැහැම් ලැබ්රෝයි මහතා ප්‍රධාන ආරාධිතයා ලෙස එක්වූ මේ අවස්ථාවට ලේක්හවුස් ආයතනයේ සභාපති ක්‍රිෂාන්ත කුරේ මහතා ඇතුළු අධ්‍යක්ෂ මණ්ඩලය සමගින් ඩී.එෆ්.සී.සී. බැංකුව, ශ්‍රී ලංකා රක්ෂණ සංස්ථාව සහ හිල්ටන් හෝටලය යන ආයතනවල නිලධාරීන් ද එක්ව සිටියහ.

ඡායාරූප රංජිත් අසංක සහ ගයාන් පුෂ්පික