රාජ්‍ය සේවයේ ඉහළම ශ්‍රේණියේ සිට පහළම ශ්‍රේණියේ නිලධාරියා දක්වාවු ඇගයීම් වැඩසටහනක් ක්‍රියාත්මක කිරීමට රාජ්‍ය පරිපාලන හා ආපදා කළමනාකරණ අමාත්‍යාංශය කටයුතු යොදා ගෙන ඇත.
" පමාවෙන් නොපමාවට" තේමාව යටතේ හඳුන්වාදී ඇති මේ වැඩසටහනෙන් රාජ්‍ය පරිපාලන අමාත්‍යාංශය රාජ්‍ය සේවකයාගේ කාර්යක්ෂමතාව ඉහළ නංවාලීමටත් ලක්ෂ 14ක් වු රාජ්‍ය සේවය ආවරණය වන අයුරින් රාජ්‍ය සේවය ගුණාත්මක භාවයකින් වර්ධනය කිරීමටත් අදාළ වැඩසටහන ක්‍රියාත්මක කර ඇත.
පමාවෙන් නොපමාවට තේමාව යටතේ වීදි නාට්‍යයේ මංගල දර්ශනය පෙරේදා (27) රාජ්‍ය පරිපාලන හා ආපදා කළමනාකරණ අමාත්‍යාංශය පරිශ්‍රයේදී ප්‍රදර්ශනය කෙරිණි. මේ වීදි නාට්‍ය නැරඹීමට රාජ්‍ය පරිපාලන හා ආපදා කළමනාකරණ ඇමැති රංජිත් මද්දුම බණ්ඩාර මහතා ඇතුළු අමාත්‍යාංශයේ උසස් නිලධාරින් ඇතුළු විශාල පිරිසක් සහභාගි වී සිටියහ.
ඡායාරූපය -සිරිපාල හල්වල
0 Comments