ජනාධිපතිවරයා ඝාතනය කිරීමේ කුමන්ත්රණයක් සිදු වි නොමැති බව දැනට සිදු කළ පරික්ෂණ වලින් මේ වනවිට අනාවරණය වී ඇති බව රාජ්‍ය පරිපාලන හා ආපදා කළමණාකරන අමාත්‍ය රංජිත් මද්දුමබණ්ඩාර මහතා පවසයි.
මල්වතු හා අස්ගිරි මහනාහිමිවරුන් බැහැදැකීම සඳහා මහනුවරට පැමිණි අවස්ථාවේදී මාධ්‍ය වෙත අදහස් දක්වමින් අමාත්‍යවරයා මේ බව සඳහන් කළේය.
නීතිය හා සාමාය අමාත්‍යංශය සදහා තමන්ව පත් කරන ලෙස අගමැතිවරයා ජනාධිපතිවරයාට දන්වා යවා ඇති බවත් ඉදිරියේදී ජනාධිපතිවරයා ඒ අනුව කටයුතු කරනු ඇති බවත් ඇමතිවරයා කීය.
කෙසේ නමුත් ජනාධිපති මෛත‍්‍රීපාල සිරිසේන මහතා අවස්ථා කිහිපයකදීම රට හමුවේ කියා සිටියේ තමන් හා හිටපු ආරක්‍ෂක ලේකම්වරයා ඝාතනය කිරීම සදහා කුමන්ත්රණයක් සිදුව ඇති බවත් ඊට ආණ්ඩුවේ පාර්ශවයන් සම්බන්ධ බවත්ය.
ඒ සම්බන්ධයෙන් වන පරීක්‍ෂණ සදහා බාධා නොවන පිරිදි නීතිය හා සාමය අමාත්‍යංශය තමන් යටතේ තබා ගන්නා බවද ජනාධිපතිවරයා සදහන් කර ඇත.
අමාත්‍ය රංජිත් මද්දුමබණ්ඩාර මහතා සහ අමාත්‍ය තලතා අතුකෝරාල මහත්මිය ඇතුලු පිරිස මහනුවර පැමිණ ප්‍රථමයෙන් අස්ගිරි මහා විහාරයට පැමිණ අස්ගිරි පාර්ශ්‍රවයේ මහා නායක අති පූජ්‍ය වරකාගොඩ ශ්‍රී ඥානරතන මහ නා හිමියන් බැහැ දැක ආශිර්වාද ලබා ගත්තේය.
අනතුරුව ඔවුන් මල්වතු පාර්ශ්‍රවයේ මහ නායක අති පූජ්‍ය තිබ්බටුවාවේ ශ්‍රී සුමංගල මහ නා හිමියන්ද බැහැ දැක ආශිර්වාද ලබා ගත්තේය.
0 Comments