නීතිවිරෝධී නියෝග පිළිපදින්න එපා – අනතුරු ඇඟවීමක්.

නීතිවිරෝධී අගමැතිවරයාගේ හා කැබිනට් මණ්ඩලයේ නියෝග පිළිපැදීමෙන් වළකින ලෙස රංජිත් මද්දුම බණ්ඩාර අවධාරණය කර තිබේ.

විශේෂයෙන් නීතිය හා සාමය ආරක්ෂා කිරීමට සිටින රාජ්‍ය නිලධාරීන් මෙන්ම සෙසු ඉහළ රාජ්‍ය නිලධාරීන්ද මෙම නීතිවිරෝධී අගමැතිට හා කැබිනට් මණ්ඩලයේ උපදෙස් අනුගමනය නොකළ යුතු බව ඔහු සඳහන් කර ඇත.

එමෙන්ම ජනසම්මතවාදයට හා ප්‍රජාතන්ත්‍රවාදයට අනුව පත්වූ රනිල් වික්‍රමසිංහ අගමැතිවරයා ඇතුළු පිරිසේ උපදෙස් අනුව කටයුතු කිරීම යෝග්‍ය බව ඔහු පෙන්වාදී තිබේ.

රනිල් වික්‍රමසිංහ අගමැතිධූරයෙන් ඉවත් කිරීමට ව්‍යවස්ථාමය ප්‍රතිපාදන නොමැති බවත් තවදුරටත් රටේ නිල අගමැතිවරයා වන්නේ රනිල් වික්‍රමසිංහ බවත් රංජිත් මද්දුම බණ්ඩාර වැඩිදුරටත්   ප්‍රකාශ කර ඇත.

The post නීතිවිරෝධී නියෝග පිළිපදින්න එපා – අනතුරු ඇඟවීමක්. appeared first on Lanka News Column.