ශ්‍රී ලංකා නෙට්බෝල් සම්මේලනය නැගී එන ක්‍රීඩිකාවන් හදුනා ගැනීමේ අදහසින් සංවිධානය කළ සමස්ත ලංකා පාසල් නෙට්බෝල් ශූරතාවලියේ ජය කොළඹ විශාඛා විදුහලට හිමි වෙයි. කොළඹ ටොරින්ටන් පෙදෙස ක්‍රිඩාංගණයේ පැවැති මෙම තරගාවලියේ 19න් පහළ අවසන් තරගයේදී කුරුණෑගල ශුද්ධ වූ පවුලේ කණ්‍යාරාම පිල පරදවා විශාඛා විදුහල ජයග්‍රහණය අත්කර ගැනීම කැපී පෙණුනි.
පාසල් නෙට්බෝල් ක්ෂෙත්‍රයේ පිට පිට ශූරතා දිනා ගනිමින් කැපී පෙණෙන කණ්ඩායමක් බවට පත්ව සිටින කුරුණෑගල ශුද්ධවූ පවුලේ කණ්‍යාරාම ක්‍රීඩිකාවෝ අවසන් මහා තරගයේදී ලකුණු 42- 37කින් පරාජය කිරීමට විශාඛා ක්‍රීඩිකාවෝ සමත් වූහ. විශාඛා විදුහල අවසන් මහා තරගයට සුදුසුකම් ලබාගත්තේ මහනුවර හිල්වුඩ් විදුහල පරාජය කරමිනි.
මෙම තරගාවලියට කොළඹ ගෝතමී, කුරුණෑගල මලියදේව, දෙහිවල ෆ්‍රෙස්බිටීරියන්, නුගේගොඩ අනුලා, කොළොන්නාව බාලිකා, කලුතර බාලිකා, කලුතර ශුද්ධවූ පවුලේ කණ්‍යාරාමය, ශාන්ත බ්‍රිජට් කන්‍යාරාමය, මහනුවර හිල්වුඩ්, කුරුණෑගල ශද්ධ වූ පවුලේ කණ්‍යාරාමය, කොළඹ විශාඛා හා සිරිමාවෝ බණ්ඩාරණායක යන විදුහල්වල නෙට්බෝල් කණ්ඩායම් එක්ව සිටියහ.
0 Comments