හිටපු ජනාධිපති මහින්ද රාජපක්ෂ
පළාත් පාලන මැතිවරණයේදී ශ්‍රී ලංකා පොදුජන පෙරමුණට ජයග්‍රහණය ලබාදීමට කටයුතු කළ ජනතාවට ස්තුතිවන්ත වන බව හිටපු ජනාධිපති මහින්ද රාජපක්ෂ මහතා සඳහන් කරයි.
හිටපු ජනාධිපතිවරයා එසේ සඳහන් කළේ ශ්‍රී ලංකා පොදුජන පෙරමුණේ ජයග්‍රහණය පිළිබඳව අදහස් දක්වමිණි.
වැඩිදුරටත් අදහස් දැක්වූ මහින්ද රාජපක්ෂ මහතා-
මෙම ජයග්‍රහණය පිළිබඳව අප අතිශයින්ම සන්තෝෂයට පත් වෙනවා. එම ජයග්‍රහණය ලබාදීමට කටයුතු කළ ජනතාවට මා ස්තුතිවන්ත වෙනවා. විවිධ බලපෑම් මධ්‍යයේ වුවද ජනතාව නිවැරදි අන්දමින් ඡන්දය භාවිත කළා. ජන මතය ඉදිරියට පැමිණි අවස්ථාවක් ලෙසත් ජනතාව ලැබූ ජයග්‍රහණයක් ලෙසත් මෙය හදුන්වන්න පුලුවන්. අප මුල සිටම කීවා ශ්‍රීලනිපය කියන්නෙ ඩාලි පාරට සීමා වූ බෝඩ් ලෑල්ලක් පමණක් නොවන බව. මහා ගොඩනැගිල්ලක් නොවන බව. ඊට වඩා හරයක් තිබෙනවා. එය මෙවර ඡන්දයේදී ජනතාව පැහැදිලි කර දුන්නා. අග්‍රාමාත්‍ය තනතුර සඳහා අපේ තවම බලාපරොත්තුවක් නැහැ. විශාල වැඩ කොටසක් කිරිමට තිබෙනවා. රටේ තිබෙන ගැටලු විසඳන්න ඕනෙ.
0 Comments