ලංකා සභාවේ කුරුණෑගල දියෝකීසියේ නව රදගුරු හිමිපාණන් ලෙස වන්දනීය දේවප්‍රිය කීර්තිසිරි ප්‍රනාන්දු අනුනායක පියතුමන් ආසනාරූඪ කිරීම අද (06) කුරුණෑගල ක්‍රිස්තු රජිඳ මුල් දෙව්මැදුරේදී සිදුකෙරේ.
ලංකා සභාවේ (ඇන්ග්ලිකානු) කුරුණෑගල දියෝකීසියේ 5 වැනි රදගුරුතුමන් ලෙස කටයුතු කළ ශාන්ත ප්‍රැන්සිස් හිමිපාණන් එම ධුරයෙන් විශ්‍රාම ලැබීමෙන් පසුව හිස් වූ ධුරයට පත්කෙරෙන කීර්තිසිරි ප්‍රනාන්දු පියතුමන් කුරුණෑගලට පත්වන 6 වැනි බිෂොප්වරයා වේ.
1990 දී කොළඹ විමුක්තිදායක ක්‍රිස්තු රජිඳ මුල් දෙව්මැදුරේ දී පූජත්වයට පත් වූ මෙතුමා ඉන් පසුව පූජකවරයකු ලෙස දිවයිනේ විවිධ ප්‍රදේශවල සේවය කර ඇත. මෙරටත් - එංගලන්තයෙත් ශාස්ත්‍රපති උපාධි දෙකක් ද හිමි මෙතුමා එංගලන්ත කැන්ටබරියේ තරුණයන් සමඟ කටයුතු කරමින් ලන්ඩනයේ සංක්‍රමණික ක්‍රියාකාරකම්වල යෙදී ඇත.
ගුණරත්න ලියනආරච්චි
කුරුණෑගල දිස්ත්‍රික් සංචාරක
0 Comments