එජාපයට කුරුණෑගලින් නියත ජයක්

ඉදිරියේදී පැවැත්වීමට නියමිත පළාත් පාලන මැතිවරණයේදී එක්සත් ජාතික පක්ෂය නියත වශයෙන්ම කුරුණෑගල දිස්ත්‍රික්කය ජයග්‍රහණය කරන බව එම පක්ෂයේ නියෝජ්‍ය මහලේකම් ඇමැති අකිල විරාජ් කාරියවසම් මහතා පවසා සිටී. ඇමැතිවරයා මේ අදහස් පළ කළේ පසුගියදා කුරුණෑගල දිස්ත්‍රික්කයේ පළාත් පාලන ආයතන සඳහා එක්සත් ජාතික පක්ෂය සඳහා ඇප මුදල් තැන්පත් කිරීමේ අවස්ථාවට එක්වෙමිනි.

පසුගිය පාර්ලිමේන්තු මැතිවරණයේදී එක්සත් ජාතික පක්ෂය විශිෂ්ට ජයක් ලැබූ බවත්, එබැවින් මෙවර ජයග්‍රහණය ද නියත බවත් අමාත්‍යවරයා මෙහිදී පෙන්වා දුන්නහ. වත්මන් රජය ජනතාව උදෙසා වන සිය වගකීම් නිවැරැදිව ඉටුකර ඇති බවත්, එම සංවර්ධන කටයුතු අඛණ්ඩව ඉදිරියට ගෙන යාමට රජය පියවර ගන්නා බවත් ඇමැතිවරයා මෙහිදී වැඩිදුරටත් කියා සිටියේය.