මහර බන්ධනාගාරයේ ඇති වූ නොසන්සුන්තාවයෙන් පසු රැඳවියන් 06 දෙනෙකු මිය ගොස් තිබෙනවා.
සිද්ධියෙන් තුවාල ලැබූවන්ගේ සංඛ්‍යාව 58 දක්වා ඉහළ ගොස් ඇති බවයි මහර බන්ධනාගාරය ප්‍රකාශ කළේ.
මහර බන්ධනාගාරයේ නිලධාරීන් ප්‍රාණ ඇපයට තබා ගනිමින් පැන යාමට තැත් කළ රැඳවූවන් පිරිසක් පාලනය කිරීමට ඊයේ (29 වැනිදා) පස්වරුවේ වෙඩි තැබීම සිදු වූ බව එම බන්ධනාගාර අභ්‍යන්තර ආරංචි මාර්ග පවසනවා.
රැඳවූවන් විසින් හෙද නිලධාරියකු සහ නියාමකවරයකු ප්‍රාණ ඇපයේ තබාගෙන සිටි බව බන්ධනාගාර මූලස්ථාන නිලධාරියෙක් ප්‍රකාශ කළා.
කලහකාරී ලෙස හැසිරුණු රැඳවූවන් බන්ධනාගාර මුළුතැන්ගෙය සහ ලේඛනාගාරයට ගිනි තබා දැඩි ලෙස අලාභ හානි කර ඇතැයි ද ආරංචිමාර්ග සඳහන් කරනවා.
පී.සී.ආර්. පරීක්ෂණයකින් පසුව මහර බන්ධනාගාරයේ රැඳවූවන් 183කට කොරෝනා වයිරසය ආසාදිතව ඇති බව ඊයේ (29 වැනිදා) තහවුරුවීම හේතුවෙන් මෙම කලහකාරී තත්ත්වය හටගෙන තිබෙනවා.
0 Comments