මහින්ද රාජපක්ෂ යළිත් සීයා වෙයි

තරුණ හා ක්‍රීඩා කටයුතු ඇමති නාමල් රාජපක්ෂ මහතාගේ බිරිඳ ලිමිණි වීරසිංහ මහත්මිය සිය කුළුදුල් දරු ප්‍රසූතිය අද (12) සිදු කර තිබේ.

කොළඹ පෞද්ගලික රෝහලක දී එම යුවළට දාව පිරිමි දරුවෙක් උපත ලබා ඇති බව නාමල් රාජපක්ෂ මහතාගේ ෆේස්බුක් ගිණුමෙහි සටහනක් තබමින් සදහන් කර ඇත.

ඔවුන්ගේ දරුවා උපත ලබන්නේ ඔවුන්ගේ පළමු විවාහ සංවත්සර දිනයේදී වීම විශේෂත්වයකි.

මෙම දරු උපත සැළ වූ වහාම අග්‍රාමාත්‍ය මහින්ද රාජපක්ෂ මහතා එම රෝහලට ගොස් ඇත.

ඒ අනුව දැන් මහින්ද රාජපක්ෂ මහතා යලිත් වරක් සීයා කෙනෙකි.

නාමල් රාජපක්ෂ මහතා සිය facebook ගිණුමේ මෙසේ සටහනක් තබා ඇත,

"ලිමිනි සහ මගේ පළමු විවාහ සංවත්සරය දිනය වු අද පුත් රුවනක් මෙලොව එළිය දැකීම තරම් ආශීර්වාදයක් තවත් නොමැත. මාගේ ආදරණීය බිරිද ලිමිණි සහ ආදරණීය පුතු නිරෝගීව හා සතුටෙන් සිටින අතර ජිවිතයේ මෙම සන්ධිස්ථාන දෙකම වෙනුවෙන් සුබපැතු සැමට අප තිදෙනාම ස්තූතිවන්ත වනවා."