හෑස්, මත් මුද්දර, ගංජා ඒ අතර මාදුරුඔය හෝටලයක සාදයකට යන බවට ආ ඔත්තුවෙන් පොලීසිය ක්රියාත්මක වෙලා
මුහුණුපොත හරහා සංවිධානය කර ගත් සාදයකට මාදුරුඔය ප්රදේශයේ හෝටලයකට ගමන් යමින් සිටි තරුණයන් 16 දෙනකු සමඟ හෑස් ගංජා, මත්ද්රව්ය ඇතුළත් කර දිවේ අලවා ගැනීමට හැකි මුද්දර හා ගමන් කරමින් සිටි රථ වාහන 3ක් (22) අරලගංවිල නගරය අසන්නයේදී අත්අඩංගුවට ගත් බව පොළොන්නරුව කොට්ඨාස විෂ මත්ද්රව්ය වැටලීම් එකකය ප්රකාශ කළේය.
මෙසේ අත්අඩංගුවට ගත් තරුණයන් සන්තකයේ තිබී මත්ද්රව්ය අඩංගු දිවේ අලවා ගැනීමට හැකි මුද්දර 33ක්, ගංජා ග්රෑම් 17ක්, හෑස් මත්ද්රව්ය අඩංගු සුරුට්ටු 11, සංගීත උපකරණ, වෑන් රථයක්, කැබ් රථයක් සහ යතුරුපැදියක් අත්අඩංගුවට ගෙන තිබේ. අත්අඩංගුවට පත් පුද්ගලයන් අම්පාර, මහනුවර, පොළොන්නරුව, බැදිවැව සහ සෙවණපිටිය යන ප්රදේශවල පදිංචිකරුවෝය.
මුහුණුපොතේ මිතුරන් විසින් සංවිධානය කරන ලද මත් සාදයක් පැවැත්වීම සඳහා මත්ද්රව්ය රැගෙන මාදුරුඔය ප්රදේශයේ හෝටලයකට ගමන් කරමින් සිටින බවට ලද තොරතුරක් මත අරලගංවිල නගරය අසන්නයේදී මෙම පිරිස සහ මත්ද්රව්ය අත්අඩංගුවට ගැනීමට හැකි වූ බව වැටලීම සිදු කළ නිලධාරීන් පැවසීය. අත්අඩංගුවට පත් මත්ද්රව්ය රථවාහන සහ පුද්ගලයන් අධිකරණ කටයුතු සඳහා අරලගංවිල පොලිස්ථානයට බාර දුන් බව පොළොන්නරුව කොට්ඨාස විෂ මත්ද්රව්ය වැටලීම් එකකය කියා සිටියේය.
ඩබ්.ඒ. පියතිලක - මැදිරිගිරිය සමූහ
0 Comments