පොලිසිය සමග වෙඩි හුවමාරුවකින් අපරාධ සාමාජිකයෙකු මරුට.

අද (07) අලුයම අපරාධ ගණනාවකට සම්බන්ධ සැකකරුවෙකු සහ පොලිසිය අතර වෙඩි හුවමාරුවක් සිදුව තිබේ.

මිනුවන්ගොඩ බල්ලපාන ප්‍රදේශයේ නිවසක මෙම සැකකරු සැඟව සිටින බවට පොලිසියට ලද තොරතුරකට අනුව කැළණිය කොට්ඨාස අපරාධ විමර්ශන ඒකකයේ නිලධාරීන් සහ පෑලියගොඩ දිසා අපරාධ කොට්ඨාසයේ නිලධාරීන් කණ්ඩායමක් විසින් එම සැකකරු අත්අඩංගුවට ගැනීමට යෑමේදී සැකකරු විසින් පොලිස් නිලධාරීන් හට වෙඩි තැබීමක් සිදු කර ඇත.

එහිදී පොලිස් නිලධාරීන් සිදු කළ වෙඩි තැබීමකින් සැකකරු තුවාල ලබා දිවුලපිටිය රෝහලට ඇතුළත් කිරීමේන් පසු සැකකරු මියගොස් තිබේ.

එලෙස මියගොස් ඇත්තේ ගොනාකෝවිලේ රාජා නැමැත්තෙක් වන අතර  වයස අවුරුදු 50ක් වන සැකකරු රත්මලාන, මොරටුව ප්‍රදේශවල මනුෂ්‍ය ඝාතන ඇතුළු අපරාධ සම්බන්ධයෙන් අවශ්‍යකරන සැකකරුවෙකු බවත් ඔහු විවිධ නම්වලින් පෙනී සිටි අයෙකු බවත් හඳුනාගෙන තිබේ.

The post පොලිසිය සමග වෙඩි හුවමාරුවකින් අපරාධ සාමාජිකයෙකු මරුට. appeared first on Lanka News Column.