දොළ පාරක් ළඟ කසිප්පු පෙරලා

අයෙක් දැලේ

යටියන්තොට පේරගස් හන්දියේ වීඔයට ගලා එන අතු දොළ පාරක රහසිගතව පවත්වාගෙන ගිය කසිප්පු තිප්පොළක් වටලා වයස අවුරුදු 38ක් වන සැකකරුවකු අත්අඩංගුවට ගත් බව යටියන්තොට පොලිසිය පවසයි.

මෙහි දී කසිප්පු මිලිලීටර් තුන්දහසක් ගෝඩා මිලිලීටර් හැත්තූහතර දහසක් අත්අඩංගුවට ගෙන ඇති අතර, මත්පැන් පෙරීමට යොදා ගන්නා මුට්ටියක්, ගෝඩා දමන ලද බූලි තුනක් කසිප්පු දමන ලද කෑන් එකක්, වට දෙකකින් යුත් තඹ දගරයක්, ගෑස් ලිප් එකක්, ගෑස් සිලින්ඩරයක්, ඇතිලියක් අත්අඩංගුවට ගත් අනෙකුත් උපකරණ අතර විය.

සැකකරු පොලිස් ඇප මත මුදා හැර ඇති අතර, ලබන 17 දින රුවන්වැල්ල මහේස්ත්‍රාත් අධිකරණයට ඉදිරිපත් ඉදිරිපත් කිරීමට නියමිතය. යටියන්තොට පොලිසියේ ස්ථානාධිපති (පො. ප.) එච්. ජී. එස්. පී. කේ. චන්ද්‍රසිරි මහතාගේ උපදෙස් පරිදි (පො.ප.) නිමල් (උ. පො. ප.) රංජිත් (කා. පො. සැ.) 1215 අනෝමා (පො. කො.) 48702 ජීවානන්ද (පො. කො.) 46120 චන්දන යන නිලධාරීහු මේ වැටලීම සිදුකළහ.

 

යටියන්තොට විශේෂ

ඡායාරූපය යටියන්තොට විශේෂ