දිවයිනේ ප්‍රමුඛතම කොරගේටඩ් ඇසුරුම්කරණ සමාගම ශ්‍රී ලංකාවේ හොඳම සේවා ස්ථාන 25 අතර ශ්‍රේණිගත වෙයි. ශ්‍රී ලංකාවේ ප්‍රමුඛතම කොරගේටඩ් ඇසුරුම් නිෂ්පාදකයෙක් වන එක්ස්පැක් කොරගේටඩ් පෞද්ගලික
සමාගම (Expack Corrugated Cartons (Pvt) Ltd) 2019 වසරේ ආසියාවේ හොඳම සේවා ස්ථාන අතර ලැයිස්තු ගත කෙරී ඇත. කුඩා හා මධ්‍ය පරිමාණ සමාගම් අංශය යටතේ එක්ස්පැක් සමාගමට මෙම ගෞරවය හිමි වූ අතර ඊට අමතරව Great Place to Work විසින් ශ්‍රේණිගත කරන ශ්‍රී ලංකාවේ හොඳම සේවා ස්ථාන 25 අතර අඛණ්ඩවම දෙවන වසරටත් එක්ස්පැක් සමාගම ඇතුළත් වී ඇත.
පරිසර හිතකාමී ආයතනයක් වශයෙක් නමක් දිනා ඇති එක්ස්පැක් සමාගම ආරම්භයේ පටන්ම සේවකයින්ගේ සතුට සහ යහපැවත්ම වෙනුවෙන් විශේෂ අවධානය යොමු කරන ඉහළ මට්ටමේ ආයතනික සංස්කෘතියක් පවත්වා ගෙන යන සමාගමකි. එක්ස්පැක් සමාගමේ සේවකයින් හට තරාතිරම පිළිබඳව බේදයකින් තොරව සමාගමේ තීරණ ගැනීමේ ක්‍රියාවලිය හා සම්බන්ධ විය හැකි අතර එම නිසා ඔවුන් තුළ ආයතනය පිළිබඳව ශක්තිමත් හැඟීමක් ඇති කිරීමට එහි කළමනාකාරීත්වය සමත් වී ඇත.
ආයතනයේ කළමනාකාරීත්වය සහ සේවකයින් අතර දැඩි විශ්වාසයක් පවතින අතර එම විශ්වාසය හැම අයුරකින්ම සවිමත් කිරීමට එක්ස්පැක් සමාගම කටයුතු යොදා ඇත.
from silumina
0 Comments