පක්ෂ නායකයින් හා මහින්ද අතර මැතිවරණය ගැන සාකච්ඡාවක්.

පළාත් සභා මැතිවරණය පැවැත් වීම සම්බන්ධයෙන් දේශපාලන පක්ෂවල නායකයින්ගේ හා මැතිවරණ කොමිසමේ සභාපති මහින්ද දේශප්‍රිය අතර සාකච්ඡාවක් ඊයේ පැවැත්විණි.

මෙම සාකච්ඡාවේදී පළාත් සභා මැතිවරණය පැවැත් වීම සම්බන්ධයෙන් අවසන් තීරණයකට එලඹීමට නොහැකි වු බව පක්ෂ නායකයින්  අදහස් දක්වමින් සඳහන් කළේය.

එමෙන්ම සීමා නිර්ණ කොමිෂන් සභා වාර්තාව සඳහා අග්‍රාමත්‍ය රනිල් වික්‍රමසිංහ  විසින් කමිටුවක් පත්කළ ඇති අතර එම කමිටුවේ මාස දෙක අවසන් වූ පසු වහාම එම කමිටු වාර්තාව ජනාධිපතිවරයා විසින් ගැසට් පත්‍රයේ පළ කළ වහාම මැතිවරණයක් පැවැත්විය හැකි බව නියෝජ්‍ය අමාත්‍ය ලසන්ත අලගියවන්න සඳහන් කර සිටී.

මේ අතර මැතිවරණයක් පැවැත්වීම පිළිබඳව අවසන් එකඟතාවයකට නොපැමිණි බව නිතීඥ සුනිල් වටගල සඳහන් කළ අතර  එක්සත් ජාතික පක්ෂය කිසිවිටක මැතිවරණ පස්සට අදින්නේ නැති බව අමාත්‍ය අකිල විරාජ් කාරියවසම් පෙන්වා දී ඇත.

The post පක්ෂ නායකයින් හා මහින්ද අතර මැතිවරණය ගැන සාකච්ඡාවක්. appeared first on Lanka News Column.