ලබන ඔක්තෝබර් මස අගභාගයේදී ශ්‍රී ලංකාවේ සංචාරයක නිරතවන එංගලන්ත ටෙස්ට් ක්‍රිකට් පිලට නවක ක්‍රීඩක රොරී බර්න්ස් කැඳවමින් ක්‍රීඩකයන් 16 දෙනකුගෙන් සමන්විත එංගලන්ත පිල නම් කර තිබේ.
සරේ ප්‍රාන්ත පිල නියෝජනය කරන 28 හැවිරිදි බර්න්ස් මෙවර ප්‍රාන්ත තරගබිමේ වැඩිම ලකුණුලාභියා වන අතර ඔහුට අමතරව කෙන්ට් ප්‍රාන්තයේ පිතිකරු ජෝ ඩෙන්ලි සහ වොරික්ෂයර් ප්‍රාන්ත පිලේ වේගපන්දු යවන ඔලී ස්ටෝන්ද එක්වී සිටිති.
සුපිරි පිතිකරු ඇලෙස්ටෙයාර් කුක් ක්‍රීඩාවෙන් සමුගැනීමෙන් පසුව එංගලන්ත පිල තරග සංචාරයක නිරතවන පළමු අවස්ථාව මෙයවේ.
ශ්‍රී ලංකා සංචාරය අතරතුර එංගලන්ත පිල ටෙස්ට් තරග 3කට, එක්දින තරග 5කට සහ විස්සයි20 තරගයකට ක්‍රීඩා කරනු ඇත.
එංගලන්ත ටෙස්ට් කණ්ඩායම මෙසේය.
ජෝ රූට් (නායක), මුයින් අලී, ජේම්ස් ඇන්ඩර්සන්, ජොනී බෙයාර්ස්ටොව්, ස්ටුවර්ට් බ්‍රෝඩ්, රොරී බර්න්ස්, ජොස් බට්ලර්, සෑම් කරන්, ජෝ ඩෙන්ලි, කීටන් ජෙනිංග්ස්, ජැක් ලීච්, ඔලී පොපේ, ආදිල් රෂීඩ්, බෙන් ස්ටෝක්ස්, ඔලී ස්ටෝන්, ක්‍රිස් වෝක්ස්
0 Comments