දුම්රිය ගාස්තු 1 සිට නඟී. නව ගාස්තු

දුම්රිය ගාස්තු අනිද්දා (01) සිට වැඩි කර ඇතැයි දුම්රිය නියෝජ්‍ය වාණිජ අධිකාරි එන්.ජේ. ඉඳිපොළගේ මහතා පවසයි. මේ අනුව දුම්රිය ගාස්තු 15% සිට ඉහළට වැඩි කර ඇති අතර, අවම ගාස්තුව වෙනසක් වී නැතත් අවම ගාස්තුවෙන් ගමන් කළ හැකි දුර අඩු කර ඇති බවද ඒ මහතා ප්‍රකාශ කළේය.

සියලු ගාස්තු අවස්ථා නිර්ණය කර ඇත්තේ පැරණි ගාස්තුව මෙන්ම දුරද සලකා බලා බව පවසන ඒ මහතා ඇතැම් ගාස්තු අවස්ථා ඉහළ ප්‍රතිශතයකින් නැඟ ඇත්තේ එම නිසා බවද කීය.

නව සංශෝධිත දුම්රිය ගාස්තු මෙසේය: 

කොළඹ කොටුව සිට 

රාගමට රු.25; 

ගම්පහට රුපි.40; 

වේයන්ගොඩට රු.50; 

පොල්ගහවෙලට රු.90; 

මහනුවරට රු.140; 

අනුරාධපුරයට රු.215; 

බදුල්ලට රු.275; 

පාණදුරට රු.35; 

ගාල්ලට රු.135.00; 

මාතරට රු.170; 

මීගමුවට රු.50; 

හලාවතට රු.100; 

පොලොන්නරුවට රු.250; 

ත්‍රිකුණාමලයට රු.280; 

මඩකලපුවට රු.315; 

යාපනයට රු.350. 

මේ සංශෝධනවලට සමගාමිව දුම්රිය වාර ප්‍රවේශපත්‍ර ගාස්තු හා නගරාන්තර ශීඝ්‍රගාමී දුම්රිය හා දුර‍ සේවා දුම්රිය ආසන වෙන් කිරීමේ ගාස්තුද වැඩි කර ඇති බව ඉඳිපොළගේ මහතා පැවසීය.