ජනපතිගෙන් අදාළ අංශවලට උපදෙස්
අයහපත් කාලගුණයෙන් විපතට පත් සියලු ජනතාවට කඩිනම් සහන සැලසීමට පියවර ගන්නා ලෙස ජනාධිපති මෛත්රිපාල සිරිසේන මහතා අදාළ අංශවලට උපදෙස් දෙයි. එහිදී මූල්ය ප්රතිපාදන ගැටලුවක් කර නොගන්නා ලෙසත් රජයෙන් ලබාදිය යුතු සියලු සහන පිළිබඳ සොයා බලමින් එම සියලු පහසුකම් ලබාදීමට කඩිනමින් කටයුතු කරන ලෙසත් ජනාධිපතිතුමා වැඩිදුරටත් අදාළ අංශවලට උපදෙස් දී තිබේ.
දිවයිනට බලපා ඇති අයහපත් කාලගුණ තත්වයෙන් විපතට පත් ජනතාවට සහන සැලසීමේ කටයුතු පිළිබඳ සොයා බැලූ ජනාධිපතිතුමා අදාළ දිස්ත්රික් ලේකම්වරුන් සහ ප්රාදේශීය ලේකම්වරුන්ගෙන් තොරතුරු විමසීමෙන් අනතුරුව මෙම උපදෙස් ලබා දෙනු ලැබීය.
එමෙන්ම ජල ගැල්මෙන් විපතට පත් ජනතාව මුදා ගැනීම සඳහා ත්රිවිධ හමුදාවේ සහය ලබා ගැනීමට ද උපදෙස් දී තිබෙන ජනාධිපතිතුමා ජනතාවට අවශ්ය සුබසාධන සේවාවන් අඛණ්ඩව ක්රියාත්මක කරන ලෙසට ද සියලු පාර්ශ්වයන් දැනුවත් කර ඇත.
0 Comments