ක්‍රිස් ලින්ගේ පිති හරඹය කල්කටා පිලට ජය ගෙනේ

 ආරම්භක පිතිකරු ක්‍රිස් ලීන්ගේ වේගවත් පිතිහරඹය හේතුවෙන් ඉන්දීය ප්‍රිමියර් ලීග් ක්‍රිකට් තරගාවලියේ රෝයල් චැලෙන්ජර්ස් බැංග්ලෝර් පිල සමග පැවැති තරගයෙන් කඩුලු 6ක ජයක් වාර්තා කිරීමට කල්කටා නයිට් රයිඩර්ස් පිල සමත්විය.

කාසියේ වාසිය දිනා පළමුව පන්දුවට පහරදීමේ අවස්ථාව බැංග්ලෝර් පිලට ලබාදුන් කල්කටා පිල දැඩි අභියෝගයක් එල්ල කළ බැංග්ලෝර් පිල ඕවර 20 අවසානයේ කඩුලු 4ක් දැවී ලකුණු 175ක් ලබාගත් අතර නියමිත ඉලක්කය පන්දු 5ක් ඉතිරිව තිබියදී සපුරා ගැනීමට කල්කටා පිල සමත්විය.

පන්දු 52කට මුහුණදුන් ලින් හතරේ පහර 7ක් සහ හයේ පහරක් සමග නොදැවී රැස් කළ ලකුණු සංඛ්‍යාව 62කි. ඔහුට අනගි සහයක් ලබාදුන් රොබින් උතප්පා පන්දු 21කදී ලකුණු 36ක් රැස් කළේ හතරේ පහර 3ක් සහ හයේ පහර 3ක් සමගිනි.

බැංග්ලෝර් පිලේ ඉනිම වර්ණවත් කළ නායක විරාත් කෝලි පන්දු 44කදී හතරේ පහර 5ක් සහ හයේ පහර 3ක් සමග නොදැවී ලකුණු 68ක් රැස් කළේය.

බැංග්ලෝර් පිල - 175/4 (ඕවර 20) විරාත් කෝලි නොදැවී 68, බ්‍රෙන්ඩන් මැකලම් 38, ක්වින්ටන් ඩි කොක් 29 (ඇන්ඩෘ රසල් 31/3)

කල්කටා පිල - 176/4 (ඕවර 19.1) ක්‍රිස් ලීන් නොදැවී 62, රොබින් උතප්පා 36යි.

---

සන්රයිසස් හයිද්‍රබාද් පිලට ජය

මේ අතර රාජස්තාන් රෝයල්ස් පිල සමග පැවැති තරගයෙන් ලකුණු 11ක ජයක් අත්කර ගැනීමට සන්රයිසස් හයිද්‍රබාද් පිල සමත්විය.

පළමුව පන්දුවට පහරදුන් සන්රයිසස් හයිද්‍රබාද් පිල ඕවර 20 අවසානයේ කඩුලු 7ක් දැවී ලකුණු 151ක් රැස් කළ අතර පිළිතුරු ඉනිම ක්‍රීඩා කළ රාජස්තාන් පිලට ඕවර 20 අවසානයේ කඩුලු 6ක් දැවී ලබාගත හැකිවූයේ ලකුණු 140ක් පමණි.

හයිද්‍රබාද් පිල - 151/7 (ඕවර 20) කේන් විලියම්සන් 63, ඇලෙක්ස් හේල්ස් 45 (ජොෆ්රා ආචර් 26/3)

රාජස්තාන් පිල - 140/6 (ඕවර 20) අජින්ක්‍යා රහානේ 65, සන්ජු සැම්සන් 40 (සිද්ධාර්ත් කොවුල් 23/2)