බිලියනපති මුකේෂ් අම්බානි ගේ වැඩිමල් පුත් ආකාෂ් අම්බානි හා ප්‍රකට දියමන්ති ව්‍යාපාරික රසල් මෙහෙතා ගේ දියණිය ශ්ලෝකා මෙහෙතා පසුගිය දා විවාහ ගිවිස ගත් බව ඉන්දීය මාධ්‍ය වාර්තා කරයි.
ඉතා චාම් උත්සවයක් පමණක් පවත්වා ඇති මෙම විවාහ ගිවිස ගැනීමේ අවස්ථාවට වැඩි ප්‍රසිද්ධියක් ලබා දී ති‍බුණේ නැත. මංගලෝත්සවය මේ වසර අවසානයේ දී පැවැත්වීමට නියමිතය.
රිලයන්ස් ඉන්ඩස්ට්‍රීස් හිමිකරු මෙන්ම ඉන්දියාවේ පොහොසත්ම පුද්ගලයා ද වන නීතා සහ මුකේෂ් අම්බානි ගේ වැඩිමත් පුත් ආකාෂ් 25 වැනි වියේ පසු වන අතර ඔහු හා විවාහ ගිවිස ගත්තේ ලොව විශාලතම දියමන්ති අලෙවි සමාගම් වන රෝසි ඩයමන්ඩ්ස් හිමි මොනා සහ රසල් මෙහෙතා ගේ බාල දියණිය වන ශ්ලෝකා යි.
ආකාෂ් සහ ශ්ලෝකා මුම්බායි හි ධිරුභානි අම්බානි ජාත්‍යන්තර පාසැලේ එකට අධ්‍යාපනය ලැබූ සමීප මිතුරන් දෙදෙනකු බව වාර්තා වේ.
0 Comments