සාන්තුවරයන්ගේ එක්දින ගැටුමේ ජය සාන්ත ජෝශප් විදුහලට

 සාන්ත පීතර විදුහල් පිල සමග පැවැති 44 වැනි සාන්තුවරයන්ගේ සංග්‍රාමයේ වාර්ෂික එක්දින තරගය ලකුණු 87කින් ජය ගැනීමට සාන්ත ජෝශප් විදුහලට හැකිවිය.

ෆ්‍රැන්සිස් පීටර් ඒ පිලායි පියතුමන් අනුස්මරණ කුසලානය සඳහා එස්.එස්.සී පිටියේ පැවැති තරගයේ පළමුව පන්දුවට පහරදුන් සාන්ත ජෝශප් විදුහල ලකුණු 259ක් රැස්කළ අතර පිළිතුරු ලෙස සාන්ත පීතර විදුහලට ඕවර 38.4කදී සියල්ලන් දැවී ලබාගත හැකිවුයේ ලකුණු 172ක් පමණි.

ජයග්‍රාහී සාන්ත ජෝශප් පිල වෙනුවෙන් රෙවාන් කෙලී (59) හා නිපුන් සුමනසිංහ (53) අර්ධ ශතක රැස් කළේය. ජෙහාන් ඩැනියෙල් හා අෂේන් ඩැනියෙල් පන්දුවෙන් දස්කම් දැක්වූ අතර ඔවුන් දෙදෙනාටම තරගයේ වීරයා සම්මානය පිරිනැමුණි. දක්ෂතම පිතිකරු ලෙස රෙවාන් කෙලීද, සුලක්ෂණ ප්‍රනාන්දු හොඳම පන්දු රකින්නා ලෙසද සම්මාන දිනා ගත්හ.

සා.ජෝශප් විදුහල - 259 (ඕවර 49.2) රෙවාන් කෙලී 59, නිපුන් සුමනසිංහ 53, දුනිත් වෙල්ලාලගේ 37 (ශිවාන් පෙරේරා 32/2, සන්තුෂ් ගුණතිලක 44/2, අමීන් මිස්ලාල් 60/2)

සා.පීතර විදුහල - 172 (ඕවර 38.4) සන්තුෂ් ගුණතිලක 49, රන්මිත් ජයසේන 48 (ජෙහාන් ඩැනියෙල් 21/4, අෂේන් ඩැනියෙල් 32/4)