පැල්පොල විපස්සි නා හිමි
ජපානයේ එච්.බී. යූ සරසවියෙන් අන්තර් ජාතික සබඳතා වෙනුවෙන් ශ්‍රී ලංකිකයකුට ආචාර්ය උපාධියක්
කහ සිවුරත් බෙර හඩත් මේ රටේ තිබෙන තාක් කල් මේ රට කිසිදු විදේශ බලවේගයකයට යටත් කිරීමට නොහැකි බව මෙවර ජනාධිපතිවරණ ප්‍රතිඵලයෙන් සනාථ වී ඇතැයි ජපානයේ ප්‍රධාන සංඟ නායක පැල්පොල විපස්සි නා හිමියෝ කීහ.
උන්වහන්සේ මේ බව සඳහන් කර සිටියේ අම්බලන්තොට දී (23) පැවැති උපහාර උත්සවකදීය.
උන්වහන්සේ ඒ බව සඳහන් කලේ ජපානයේ එච්.බී. යූ සරවිය මගින් අන්තර් ජාතික සබඳතා වෙනුවෙන් ශ්‍රී ලංකිකයෙකු වන අම්බලන්තොට සුනිල් ගමගේ යන අයට පිරිනැමූ ආචාර්ය උපාධිය වෙනුවෙන් ඒ මහතාට සුබපැතුම් එක් කීරිමේ උත්සවයට සහභාගී වෙමිනි. උත්සවය අම්බලන්තොට දී පැවැත්විණි. මෙම සරසවියෙන් ශ්‍රී ලාංකිකයෙකුට මෙවන් අචාර උපාධියක් ලැබූ පළමු අවස්ථාවද මෙය වීම විශේෂත්වයකි.
මෙහිදි අනුශාසනාවක් පැවැත් වූ විපස්සි හිමියෝ මෙසේ ද කීහ,
බුදුන් වහන්සේ තෙවරක් වැඩිය ශ්‍රී පතුල පිහිටුවා ඇති දළදාව වැඩ සිටින මේ රන් පොළව තමයි අපේ දෙවැනි අම්මා. අම්මාටත් පිංවත් පොළවටත් අපි ආදරය කරන්න ඕන. මේ පිංබිමේ මහා සංඟ රත්නයට අපහාස කරල මේ පිංබිමේ සිටින්න බැහැ. කහ සිවුරත් බෙර හඩත් මේ පොළවේ තිබෙන තුරු මේ රට කාටවත් විනාශ කරන්න බැහැ. එක්සත් ජාතික පක්ෂයේ හොඳ නායකයෝ හිටියා දැන් ඒ නායකයෝ නැහැ. මේ රට දැන් හදන්න පුළුවන් මේ අයියාටත් මල්ලිටත් දෙන්නට පමණයි. දැන් ආණ්ඩුව දුවන්න වැඩ බැරි අය අරගෙන බැහ. හොඳ රේස් එකක් දුවන්න තියනවා. කකුල් කැඩිච්ච අශ්වයෝ අරගෙන බැහැ. කකුල් දෙක හයිය තියන ශක්තිය තියන හයිය අය දැන් අවශ්‍ය වෙලා තියෙන්නේ. පසුගිය අවුරුදු හතරේම මේ රටේ මොනවාද නිෂ්පාදනය කලේ මේඩ් ඉන් ශ්‍රී ලංකා කියලා මොනවාද හැඳුවේ. මේඩ් ඉන් ශ්‍රී ලංකා පළිගැනීම, මේඩ් ඉන් ශ්‍රී ලංකා ඉරිසියාව,මේඩ් ඉන් ශ්‍රී ලංකා ක්‍රෝදය,මේඩ් ඉන් ශ්‍රී ලංකා වෛරය, මේඩ් ඉන් ශ්‍රී ලංකා තන්හාව, තව ටික කාලයක් ගියානම් මේ රට සොහොන් බිමක් බවට පත්වෙනවා.එසේ නොවෙන්නට මේ රට බේරාගත් සිංහල බෞද්ධ ජනතාවට මගේ කෘතවේදිත්තවය පිරිනමනවා.
රාවනාබලය සංවිධානයේ ලේකම් ඉත්තැකන්දේ සද්ධාතිස්ස හිමියෝ මෙහිදී අනුශාසනාවක් කරමින් මෙසේ කිහ;
මේ රටේ මහා සංඟ රත්නයට අපහාස කරන විට අයත් වූ ඉරණම දැන් හොඳටම පැහැදිලයි. දැන් කියනවා. සිංහල බෞද්ධ පදනමක් යටතේ මහා සංඟ රත්නයේ අවවාද අනුශාසනා මත වැඩ කරන්න ඕන කියලා. අර රන්ජන් රාමනායකයා මහා සංඟ රත්න රත්නයට අපහාස කරන විට මම රනිල් වික්‍රම සිංහ මහත්තයට කිව්ව. අර මිනිහකගේ කට වහන්න කියලා සතියකින් කරනවා කිව්වා උන්දැට තවමත් සතිය ගියේ නැහැ. අකිල ට කිව්ව රන්ජාගේ කට වහන්න ඔබ තුමත් සිංහල බෞද්ධයෙක් නේද කියලා මාසයක් දෙන්න කිව්වා මාසය වෙලා නැහැ තාම. මංගල සමරවීර හාමුදුරුවරුන්ට බණින විට එපා කියන්න පාර්ලිමේන්තුවේ එක්සත් ජාතික පක්ෂයේ එක සිංහල බෞද්ධයෙක් හිටියේ නැහැ. මේ රටට සමාජයට වැදගත් සේවයක් කරන හිමිවරු. දානයට , මළ ගෙදරට, වඩිනවා, පන්සල් හදනවා බණ කියනවා, පිරිත් කියනව. වැඩක් නොකරන කිසිම හාමුදුරුකෙනෙක් නැහැ. ශාසනය වෙනුවෙන් කල හැකි කවර හෝ වැඩක් කරනවා.
විදුලි බල හා බල ශක්ති ඇමැති මහින්ද අමරවීර මහතා ,
ජපානය වැනි රටක් දියුණු විම ඇති ආකාරය දෙස බලනවිට ඒ අනුව අපේ රටත් දියණු කල හැකියි. ගෝඨාභය රාජපක්ස ජනාධිපති තුමා ආදර්ශවත් නායකයෙක් එතුමාගේ ප්‍රතිපත්ති ප්‍රකාශයේ වත් සඳහන් නොවූ දේවල් රැසක් මේ ගතවුනු දින කිහිපය තුල දී එතුමා කරල තියනව. ඒ ක්‍රියාත්මක කරපු වැඩ පිළිවෙලවල් දෙස ජනතාව ප්‍රසාදය පල කරල තියෙන්නනේ. නායකයෙක් අද පුටුවේ වාඩි වී සිටිනව. අර ද්විත්ව රත්නය ගැන කතා කරපු අය දැන් විදේශ ගතවෙන්න හදනවා කියලා පුවත්පතක තිබුණා.වෙන කරන්න දෙයක් නැහැ. මේ රටේ සිංහල බෞද්ධ පදනම ශක්තිමත්ව පෙන්වපු හොඳම අවස්ථාව තමයි මෙවර ජනාධිපතිවරණය
ජපානයේ එච්.බී.යූ සරසවියේ උප කුලපති සභාපති වටනබේ මහතා කියා සිටියේ සුනිල් ගමගේ මහතා ජපානයේ මෙන්ම ශ්‍රී ලංකාවේ ද අන්තර් සහයෝගිතා වැඩ සටහන් රැසක් ක්‍රියාත්මක කර තිබෙන හෙයින් මෙම ආචාර්ය උපාධිය පිරිනැමීමට ලංකාවේ සිටින එකම සුදුසුම පුද්ගලයා වේ. එමනිසා ආචාර්ය උපාධිය පිරිනැමූ බවයි. එම නිසා ජපානයේ එච්.බී.යූ සරසවියේ ශාඛාවක් ලංකාවේ පිහිටුවිමට කටයුතු කරනවා.මෙම අවස්ථාවට ගිහි පැවැදි විශාල පිරිසක් පක්ෂ විපක්ෂ දේශපාලනඥයන් රැසක්, උගතුන් බුද්ධි මතුන් හා ව්‍යාපාරික ප්‍රජාවද සහභාගි වී සිටියහ.
ලුණම සමූහ සනත් ගමගේ
ඡයාරූප සනත් ගමගේ
0 Comments