ලොග්ගල්ලා ඔය, වියානා ඇලෙ 17 කණූව ප්‍රදේශයේ තිබී ටී-56 ගිනි අවිවලට යොදනු ලබන මැගසින් තුනක් හා ඒවාට යොදනු ලබන උණ්ඩ 53ක් සොයාගත් බව මහියංගන පොලීසිය පවසයි.
වියානා ඇළ මාර්ගයේ කිසියම් නඩත්තු කටයුත්තක් සඳහා එහි ජල මට්ටම පහත දමා පිළිසකර කරන අතරතුර නඩත්තු කිරීමේ නිරතව සිටි කණ්ඩායමකට මෙම මැගසීනය සහ උණ්ඩ තොගය හමුවීමෙන් පසුව මහියංගන පොලීසිය වෙත කළ දැනුම් දීමක් මත ඒවා ගොඩ ගෙන ඇති බව වාර්තා වෙයි.
ජලය තුල තිබීම නිසා මැගසීන් තුන සහ උණ්ඩ තොය දිරාපත්ව තිබූ බවද පොලීසිය සඳහන් කළේය.
අදාළ සිද්ධිය සම්බන්ධයෙන් කිසිවෙකුත් අත්අඩංගුවට ගෙන නොමැති අතර මහියංගන පොලිසිය වැඩිදුර විමර්ශන සිදුකරයි.
0 Comments