සියවසක අභි­මා­න­ය හොබවන අල­ව­තු­ගොඩ ජාතික පාසල

කන්ද උඩ­රට රාජ­ධා­නියේ අභි­මා­න­වත් සංස්කෘ­තික උරු­ම­යන් සදා සුර­කි­මින්, එළැ­ඹෙන අභි­යෝ­ග­ව­ලට ප්‍රඥා­ව­න්තව මුහුණ දිය හැකි, යහ­පත් නිපු­ණ­තා­ව­ලින් සුසැදි, සොබා­ද­හ­මට ඉම­හත් සේ ඇලුම් කරන, මානු­ෂීය ගුණ­යෙන් සංවේදී, රට දැය සමය සිය ජීවය සේ සල­කන අභි­මා­න­වත් පුර­වැ­සි­යකු නිජ­බි­මට දායාද කර­මින් මහ­නු­වර දිස්ත්‍රි­ක්කයේ අල­ව­තු­ගොඩ ජාතික පාසල වසර සිය­යක් සපු­රයි.

1919 ජන­වාරි මස 4 වැනි දින සිසුන් 08 දෙන­කු­ගෙන් ආරම්භ වූ මේ පාසලේ මුල්ම ගුරු­ව­රයා වුයේ මයා­දුන්නේ ගුරු පියා­ණන්ය. ඒ වන විට ගොඩ­නැ­ඟිලි 2කින් ද, ඉන්පසු විදු­හ­ල්ප­ති­ව­රුන් 15 දෙනා අත­රට වත්මන් විදු­හ­ල්පති එම්. ඒ. පී. එස්. බංඩාර මහතා සේවය කරයි. පාසල අද වන විට ශිෂ්‍ය ශිෂ්‍යා­වන් 1500කින්ප­මණ සම­න්විත මේ පාසලේ 1 වසරේ සිට 13 වසර දක්වා පන්ති පැවැත්වේ. පිය­ව­රෙන් පිය­වර ඉදි­රි­යට යමින් 1998 වසරේ දී මේ විද්‍යා­ලය මධ්‍ය මහා විද්‍යා­ල­යක් බවට ද, 2000 වසරේ දී ජාතික පාස­ලක් බවට ද පත් විය. ඉන්පසු 2015 වන විට තාක්ෂණ විද්‍යා­ගා­රය ආරම්භ විය.

alawathugodocc@gmail.com සහ www.alawthugodo.sch.lk වෙබ් අඩ­වි­ය­කින් ද සම­න්විත අතර මෙය දසත විසිරි සිටින ආදී සිසුන්ට වැද­ගති වනු නොඅ­නු­මා­නයි. 2018 වන විට පාසල් ගුරු මණ්ඩ­ලය 60කින් ද, අන­ධ්‍ය­යන කාර්යය මණ්ඩ­ලය 21කින් ද, ප්‍රධාන ශිෂ්‍ය නායක නායි­කා­වන් 8කින් ද, ජ්‍යෙෂ්ඨ නායක නායි­කා­වන් 15කින් ද, කනිෂ්ඨ නායක නායි­කා­වන් 09කින් ද විද්‍යා­ල­යට ලබා දෙන සේවය ඉතා අග­නේය.

විෂය සම­ගාමී ක්‍රියා­කා­ර­කම් අතර මලල ක්‍රීඩා, අත්පන්දු, පාපන්දු, ත්‍රෝබෝල්, කරාතේ, එල්ලේ, ක්‍රිකට් චෙස් ක්‍රීඩා ද, ශිෂ්‍ය­භට, බාල­දක්ෂ, පෙර­දිග තුර්ය වාදක, පරි­සර නිය­මු­භට කමි­ටුව, සුපි­ලි­පන්න සමා­ජය, කනිෂ්ඨ විද්‍යා සංග­මය,මාධ්‍ය කවය, ජ්‍යෙෂ්ඨ විද්‍යා සංග­මය, නාට්‍ය හා රංග කලාව, චිත්‍ර, නර්තන, සංගීත, මත් නිවා­රණ ඒක­කය, නව නිපැ­යු­ම්ක­රු­වන්ගේ සංග­මය, බෞද්ධ සංග­මය, සිංහල ඉංග්‍රීසි සාහිත්‍ය සංගම ආදිය පෙන්වා දිය හැකිය.

2018 වන විට සාමාන්‍ය පෙළ සහ උසස් පෙළ ප්‍රග­තිය සිය­යට 11කි. ජය­ග්‍ර­හණ අතර කරාතේ ක්‍රීඩා­වෙන් රන්, රිදී, ලෝකඩ වශ­යෙන් පද­ක්කම් දහස ඉක්මවා ඇත. ඉන්දි­යාවේ පැවති ෂිමෝගා ජාත්‍ය­න්තර තර­ග­යෙන් රන් පද­ක්කම් 2ක් ද දිනා­ගැ­නී­මට මේ පාස­ලට හැකි විය. නර්තන අංශ­යෙන් කටු­ග­ස්තොට අධ්‍ය­පන කලා­ප­යෙන් ප්‍රථම ස්ථානය මේ විද්‍යා­ල­යට හිමි විය. ශ්‍රීමත් ජෝන් ටාබට් තර­ග­යෙන් අංග 6කින් ජය­ග්‍ර­හණ ලබා ගත් මේ විද්‍යා­ලය කලාප මට්ට­මින් ශුරතා සහ අනු­ශු­රතා දිනා­ගෙන ඇත. සමා­ජීය විද්‍යා තර­ග­යෙන් සමස්ත ලංකා ප්‍රථම ස්ථාන­යත්, ජාතික මට්ට­මින් දෙවන ස්ථාන­යත්, තාක්ෂණ විෂය ධාරා­වට සම­ගා­මීව අන්තර් පාඨ­ශා­ලීය දැනුම මිනුම තර­ග­යෙන් සමස්ත ලංකා ශුර­තාව ද දිනා ගන්නා ලදි. සිංහල භාෂා දිනය නිමි­ත්තෙන් පැවති පද්‍ය ගායනා තර­ග­යෙන් ඒකල අංශ­යෙන් මධ්‍යම පළාතේ ප්‍රථම ස්ථානය ද මේ විද්‍යා­ල­යට හිමි විය.

උකු­වෙල සංචා­රක
ප්‍රියන්ත සුම­න­සේන