මාවනැල්ල, කඩුගන්නාව ආදී ප්‍රදේශවල බුදුපිලිම කඩා දමමින් ජාතිවාදී ගැටුම් ඇවිල වීමට යම් සංවිධානාත්මක ක්‍රියාවලියක් දියත් වී තිබෙන බව ඉතා පැහැදිලි බවත් එහි අවසන් අරමුණ ජාතිවාදී ගැටුම් අවුළුවා විදේශීය මැදිහත්වීමකට පාර කැපීම බවත් සාහිත්‍යශූරී ගුණදාස අමරසේකර මහතා පවසයි.
අද(27) කොළඹ පැවති මාධ්‍ය හමුවකට එක්වෙමින් අමරසේකර මහතා මේ බව කියා සිටියේය.
කොසොවෝ රාජ්‍යය බෙදා වෙන් කිරීමේදී නේටෝ හමුදාව මැදිහත් වූයේ එවැනි මරා ගැනීම් දඩමීමා කරගනිමින් බව සඳහන් කළ ඒ මහතා එවැනි තත්ත්වයක් වළක්වාගැනීම සඳහා වහාම
ජනාධිපති කොමිසමක් පත්කොට ජාතිවාදී ගැටුම් පිළිබඳ සොයා බලා වගඋත්තරකරුවන් එළිදරව් කොට දඬුවම් කරන ලෙස ජනාධිපතිවරයාගෙන් ඉල්ලා සිටියේය.
මාධ්‍යවේදී මොහාන් සමරනායක මහතා සහ රජරට අනුරාධ තෙන්නකෝන් මහතාද ජාතිවාදී ගැටුම් පිළිබඳ දීර්ඝ වශයෙන් කරුණු දැක්වීය.
0 Comments