3 මුලතිව් දිස්ත්‍රික්කය තුළ පිහිටි ක්‍රීඩා සමාජ සහ පාසල් වලට අයත් පාපන්දු ක්‍රීඩකයන්ගේ කුසලතා ඔප්නැංවීමට මෙන්ම දිස්ත්‍රික්කය තුළ පාපන්දු ක්‍රීඩාව ජනප්‍රිය කරවීම ප්‍රධාන අරමුණු කරමින් පාපන්දු පුහුණු වැඩසටහනක් ආරක්‍ෂක සේනා (මුලතිව්) ආඥාපති ගේ සංකල්පයකට අනුව 68 වැනි සේනාංකයේ සේනාංකාධිපති ගේ පූර්ණ මඟ පෙන්වීම හා අධීක්‍ෂණය යටතේ පසුගියදා පුදුකුඩිඉරිප්පු ඉරණපලෛයි පාපන්දු ක්‍රීඩාංගණයේ දී පැවැත්විණි.
මේ වැඩසටහන සඳහා මුලතිව් දිස්ත්‍රික්කයේ ක්‍රීඩා සමාජ සහ පාසෙල් වලට අයත් ක්‍රීඩකයන් 100 දෙනෙකුට ආසන්න ප්‍රමාණයක් සහභාගී වූ අතර පුහුණුවීම් සිදුකිරීම ජාතික පාපන්දු සම්මේලනයේ ‘ඒ’ ශ්‍රේණියේ පුහුණුකරුවකු වන එම්. වඩිවේල් මහතා ගේ ප්‍රධානත්වයෙන් යුද හමුදා පාපන්දු පුහුණු උපදේශකයින්ගේද සහභාගීත්වයෙන් සිදුකරන ලදි. මේ වැඩසටහනට සිංගර් ශ්‍රී ලංකා සමාගම සහ මයිලෝ අනුග්‍රාහකත්වය සැපයීය.
0 Comments