ශ්‍රීලංකන් හා මිහින් ලංකා ජනපති කොමිෂන්වල කාලය දිගුවෙයි

ශ්‍රීලංකන් සහ මිහින් ලංකා සමාගම්වල සිදු වූ බව කියන අක්‍රමිකතා පිළිබඳ සොයා බැලීමට පත් කළ ජනාධිපති කොමිසමේ නිල කාලය දීර්ඝ කර තිබේ.

අද පෙරවරුවේ ජනාධිපති කාර්යාලයේදී කොමිසමේ සාමාජිකයන් හමු වූ ජනාධිපතිවරයා පරීක්ෂණ කටයුතුවල ප්‍රගතිය විමසා බැලීමෙන් පසුව මෙම තීරණය ගෙන තිබේ.

2006 වසරේ ජනවාරි පළමු වනදා සිට 2018 වසරේ ජනවාරි 31 වන දා දක්වා කාල පරිච්ඡේදය තුළ අදාළ සමාගම්වල සිදුවූ බව කියන අක්‍රමිකතා පිළිබඳව සොයා බැලීමට ජනාධිපතිවරයා විසින් මෙම කොමිසම පත්කළේ ය.

මේ වසරේ පෙබරවාරි 14 වන දා සිට ක්‍රියාත්මක කොමිසමේ නිල කාලය දෙසැම්බර් 31 වන දා අවසන්වීමට නියමිතයි.

ජනාධිපතිවරයා විසින් එම නිල කාලය පෙබරවාරි මස 15 වන දා දක්වා දීර්ඝ කිරීමට තීරණය කර තිබේ.