“රනිල් අගමැති කරන්නේ නැහැ” – ජනපති යළි අවධාරණය කරයි

රනිල් වික්‍රමසිංහ මහතා කිසිසේත් අගමැති ලෙස පත් නොකරන ජනාධිපති මෛත්‍රීපාල සිරිසේන මහතා යළි අවධාරණය කර තිබේ.

ලක්ෂ්මන් යාපා අබේවර්ධන පැවසුවේ, ශ්‍රේෂ්ඨාධිකරණ තීන්දුව ප්‍රකාශයට පත් වීමෙන් පසු එක්සත් ජනතා නිදහස් සන්ධාන මන්ත්‍රී කණ්ඩායම සමග පැවති සාකච්ඡාවේදී ජනාධිපතිවරයා එය අවධාරණය කළ බවයි.

මේ අතර මහින්ද රාජපක්ෂට අග්‍රාමාත්‍ය ධුරය දැරීම හා අමාත්‍ය මණ්ඩලයට තනතුරු දැරීම වළක්වමින් අභියාචනාධිකරණය නිකුත් කළ අතුරු තහනම් නියෝගය බලරහිත කරන්නැයි ඉල්ලා මහින්ද රාජපක්ෂ ඇතුළු වගඋත්තරකරුවන් ගොනු ගොනු කළ අභියාචනා පෙත්සම හෙට ශ්‍රේෂ්ඨාධිකරණය විසින් සලකා බැලීමෙන් පසු ඉදිරි ක්‍රියාමාර්ග තීරණය කරන බව ද ඔහු වැඩිදුරටත් පැවසී ය.