මෛත්‍රී-මහින්ද කුමණ්ත්‍රනය හේතුවෙන් රට තුල උද්ගතවී ඇති තත්වය හමුවේ 2019 වසරේ ජනවාරි පලවෙනිදා සිට රාජ්‍ය සේවක වැටුප් ගෙවීම ඇතුළු රාජ්‍ය වියදම් කිසිවක් සිදුකිරීමට නොහැකිවීමේ අවධානමක් තිබෙන බව පාර්ලිමේන්තු මන්ත්‍රී මංගල සමරවීර පවසයි.
ආණ්ඩුක්‍රම ව්‍යවස්ථාවේ 148 ව්‍යවස්ථාව අනුව රාජ්‍ය මුල්‍ය පිළිබඳ සම්පුර්ණ පාලනය පාර්ලිමේන්තුව සතු බවත් ආණ්ඩුක්‍රම ව්‍යවස්ථාවේ 50 (03)ව්‍යවස්ථාව අනුව ජනාධිපතිවරයා වෙත නව පාර්ලිමේන්තුවක් වෙනුවෙන් මාස තුනක කාලයක් සඳහා අරමුදල් වියදම් කිරීමේ සීමිත ප්‍රතිපාදන ඇතුලත් වූවද විධායකයට රාජ්‍ය අරමුදල් වියදම් කිරීම සඳහා කිසිදු ඉඩ කඩක් ව්‍යවස්ථාවේ නොමැතිවීම මීට හේතුව බවත් මන්ත්‍රීවරයා පෙන්වා දෙයි.
ලබන වසරේ මුල්මාස හතරක කාලයක් සඳහා රජයේ වියදම් පියවා ගැනීම වෙනුවෙන් අතුරු සම්මත ගිණුමක් පාර්ලිමේන්තුවට ඉදිරිපත් කිරීමට මහින්ද රාජපක්ෂ සුදානම් වුවත් එය පාර්ලිමේන්තව තුලදී පරාජයට පත්වීම මේ වනවිට නියතයක් වී අවසන්ය.
එසේ නොවුනහොත් 2019 ජනවාරි මාසයේ සිට රාජ්‍ය වියදම් සම්බන්ධව බරපතල අර්බුදයක් මතුවෙන බවත් එහිදී රාජ්‍ය සේවක වැටුප් ගෙවීම, ආයතන නඩත්තු කිරීම, විශ්‍රාම වැටුප් සහ සමෘද්ධි දීමනා ගෙවීම ඇතුළු කටයුතු රැසක් අර්බුදයට යාම සිදුවේ.
The post ජනවාරියේ සිට- රාජ්‍ය සේවක වැටුප් , ආයතන නඩත්තු කිරීම, විශ්‍රාම වැටුප්, සමෘද්ධි දීමනා,නතර වෙයි. appeared first on Lanka News Column.
0 Comments