ජනබලය අද කොළඹට.

ඒකාබද්ධ විපක්ෂය සංවිධානය කරන විරෝධතා රැළිය අද(05) කොළඹදී පැවැත්වීමට කටයුතු සූදානම් කර ඇති බව සඳහන් වේ.

මෙම ජන බලය මහජන විරෝධතා රැළිය  මැඩ පැවැත්වීම සඳහා ආණ්ඩුව විවිධ පියවර ගත්තද නොබියව ඊට මුහුණ දෙන බව ඒකාබද්ධ විපක්ෂයේ ශෙහාන් සේමසිංහ මන්ත්‍රීවරයා පවසා තිබේ. හිටපු ජනාධිපති මහින්ද රාජපක්ෂගේ ප්‍රදානත්වයෙන් ඔහුගේ නිළ නිවසේ ඊයේ පස්වරුවේ පැවති සාකච්ඡාවකින් අනතුරුව මාධ්‍ය වෙත අදහස් දක්වමින් ශෙහාන් සේමසිංහ මන්ත්‍රීවරයා මෙම අදහස් පළ කර ඇත.

හිටපු ජනාධිපති මහින්ද රාජපක්ෂ  නියමිත වේලාවේදී ජනතා රැළියට සහභාගී වනු ඇති බව ලක්ෂ්මන් යාපා අබේවර්ධන මන්ත්‍රීවරයා පවසා ඇති අතර  රැළියට සහභාගී වන ජනතාව පැමිණෙන බස් රථවලට එරෙහිව කිසිදු ක්‍රියාමාර්ගයක් ගැනීමේ හැකියාවක් ආණ්ඩුවට නොමැති බව අනුර ප්‍රියදර්ශන යාපා මන්ත්‍රීවරයා පෙන්වා දී තිබේ.

එමෙන්ම පසුගියදා ආණ්ඩුවෙන් ඉවත් වූ 16 දෙනාගේ කණ්ඩායමේ සහයද මෙම රැළියට ලැබෙන බව චන්දිම වීරක්කොඩි මන්ත්‍රීවරයා වැඩිදුරටත් සඳහන් කර තිබේ.

The post ජනබලය අද කොළඹට. appeared first on Lanka News Column.