ගෝඨාභයට බැහැ.කවුරු ආවත් මමයි ලොක්කා – බැසිල් කියයි.

රාජපක්ෂ  පාලන සමයේදී   පාලනයට  අදාල  දේශපාලන   තීන්දු  බොහොමයක්  අරගනු ලැබුයේ  බැසිල්  රාජපක්ෂ විසින්  බව  බොහෝදෙනා  දන්නා   කරුණකි.  කිසියම් පුද්ගලයෙකු විසින්  යම් ගැටළුවක්  මහින්ද රාජපක්ෂ වෙත  ඉදිරිපත්කලද  එදා  මහින්ද දුන්  උත්තරය  වුයේ   බැසිල් එක්ක කතා කරලා  විසදගන්නා  ලෙසයි.ඒ අනුව පක්ෂයේ  මෙන්ම  පාලනයේ  වගකීම්ද  පැවරී තිබුනේ  බැසිල්  රාජපක්ෂ  වෙතය. ඒ  අනුව  මෙවරද  බැසිල් රාජපක්ෂ  විශාල සිහිනයක  සිටයි.ඔහු   ජනාධිපතිවරණය  සදහා  සුදානම් වේ. ගෝඨාභය රාජපක්ෂට  වඩා  තමා  සුදුසු යයි   නොකියා  කියයි. දැන්  පවුලේ බල  අරගලය  එලියට පැමිණ  තිබේ  මේ එලියට එන්නේ  වෙන  කිසිවක්  නොව  බල කෑදරකමයි. බැසිල්  රාජපක්ෂ  මැතකදී පුවත්  පතකට  දුන්  සම්මුඛ   සාකච්ඡාවකින්  බළලුන් එලියට පැන තිබේ,

“මහින්ද රාජපක්ෂ ජනාධිපතිතුමාට තමයි අපේක්ෂකයා නම් කරන එකේ අයිතිය තියෙන්නේ.එතුමාට තමයි දිනන්න පුළුවන්.ඇත්තම කතාව කිව්වොත් මහින්ද ඉන්නවට වඩා ගෝටාභය ආවොත් මමයි ආණ්ඩුව කරන්නේ.එයා දේශපාලනය කරලා නැ.යම් යම් නිවැරදි වෙන්න ඕනේ තැන් තියෙනවා.නිවැරදි වෙන්න ඕනේ තැන් සකාච්ජා නොකර අපි නිකං දිනනවා කියලා ගොන්කමට කියාගෙන ගිහිල්ලා පරදින්න බැ.”

 

“අපි දන්නවා සුළු ජාතින් අතර අපට තවමත් විරෝධයක් තියෙනවා.ඒක කොහොමහරි දිනාගන්න ඕනේ,රතුපස්වල ගමට ගිහිල්ලා මම සමාව ඉල්ලුවා.ඒ වැඩ වලින් මරුනේ ඉස්කෝලේ යන ළමයි.පල්ලි වල බිත්ති වෙඩි පහරවල් වලින් විනාශ වෙලා.හමුදාව කකුල් 21 ක් ඒ ජනතාවගේ කඩලා තිබුනා.එතකොට මට හිතුනා මේවුන් කොහොම උතුරේ යුද්දේ කරාද කියලා.අදත් ප්‍රශ්නයක් එතනට හමුදාව එව්වේ කවුද කියලා.”

 

“කොහොම නමුත් ඉදිරියේදී අපි දෙන්නගෙන් ඉදිරිපත් වෙන්නේ කවුද කියන එක තීරණය කරන්නේ මහින්ද රාජපක්ෂ ජනාධිපතිතුමා .” යනුවෙන් ප්‍රකාශකර ඇත.

(සංජිව  හේරත්  විජේරත්න )

The post ගෝඨාභයට බැහැ.කවුරු ආවත් මමයි ලොක්කා – බැසිල් කියයි. appeared first on Lanka News Column.