දේශපාලන දිවියට වසර 50ක් සම්පූර්ණ කරන ලොව කීර්තිමත් රාජ්‍ය නායකයකු වන වත්මන් අගමැති මහින්ද රාජපක්ෂ මහතාට ඉන්දීය අගමැති නරේන්ද්‍ර මෝදි මහතා සිය ශුභාශිංසන එක්කර තිබේ.
නිරෝගිමත් හා සාමකාමී ශ්‍රී ලංකාවක් වෙනුවෙන් තවදුරටත් කටයුතු කිරීමට අග‍්‍රාමාත්‍ය මහින්ද රාජපක්ෂ මහතාට සුබ පැතුම් එක් කළ බව එහි සඳහන් වෙයි.
මහින්ද රාජපක්ෂ මහතා සිය දේශපාලන දිවිය ආරම්භ කළේ 1970 වසරේ මැයි 27 වැනිදා පැවති මහ මැතිවරණයට තරග කරමින් වන අතර එහිදී ශ්‍රී ලංකා නිදහස් පක්ෂයෙන් බෙලිඅත්ත ආසනය ජය ගෙන මහින්ද රාජපක්ෂ මහතා පාර්ලිමේන්තුවට තේරී පත්විය. ඒ අනුව මේ වනවිට ඒ මහතාගේ දේශපාලන දිවියට වසර 50ක් සම්පූර්ණ වී තිබේ.
මේ අතර අගමැති මහින්ද රාජපක්ෂ මහතාගේ දේශපාලන දිවියට වසර 50ක් සම්පූර්ණ වීම නිමිත්තෙන් ජනාධිපති ගෝඨභය රාජපක්ෂ මහතා ද සිය ට්විටර් ගිණුමේ සුභ පැතුමක් සටහන් කර ඇති අතර මහින්ද රාජපක්ෂ මහතා මෑත ඉතිහාසයේ බිහි වූ අග‍්‍රගන්‍ය දේශපාලන පෞඒ්ෂ්යක් සහිත නායකයකු බවට ඒ මහතා පෙන්වා දෙයි.
0 Comments