මධ්‍යම කඳුකරයේ බටහිර බෑවුම් ප‍්‍රදේශවලට ඇදහැලෙන අධික වැසි හේතුවෙන් ජලාශ රැසක ජල මට්ටම් ඉහළ ගොස් තිබේ. ඉහළ කොත්මලේ, කාසල්රී, මාවුස්සාකැලේ යන ජලාශවල ජල මට්ටම ඉහළ යමින් පවතින බවයි එම ජලාශ භාර ඉංජිනේරුවරුන් ප‍්‍රකාශ කළේ.
මධ්‍යම කඳුකරයට ඇදහැලෙන අධික වැසි හේතුවෙන් සෙන්ට් ක්ලෙයාර් හා ඩෙවෝන් යන දියඇළි මෙන්ම වටවල දොතළු ඇල්ලේ ද ජල ධාරිතාව ඉහළ ගොස් තිබේ.
මේ අතර අධික වර්ෂාවත් සමග හමා ගිය තද සුළං තත්ත්වයකින් වතුකරයේ ප‍්‍රදේශ රැසක විදුලි සැපයුම ද වරින්වර බිඳවැටුණු බවත් පවතින වර්ෂාව හේතුවෙන් හැටන් – නුවරඑළිය ප‍්‍රධාන මාර්ගයට මෙන්ම හැටන් – කොළඹ ප‍්‍රධාන මාර්ගයට ද පස්කඳු කඩා වැටීමේ අවධානමක් පවති අතර මේ හේතුවෙන් එම මාර්ගවල රථවාහන ධාවනය කිරීමේදී සැලකිල්මත් වන ලෙස පොලීසිය රියදුරන් ගෙන් ඉල්ලයි
The post ජලාශ රැසක ජල මට්ටම් ඉහළට. appeared first on Lanka News Column.
0 Comments