පොලි­සිය ජය­ග්‍රාහී රැල්ලේ ඉදි­රි­ය­ටම

අන්තර් සමාජ පළ­මු­පෙළ ලීග් රග්බි තර­ගා­ව­ලියේ පෙර­ළි­කාර කණ්ඩා­යම බවට පත්වී සිටින පොලිස් ක්‍රීඩා සම­ජය සිය ජය­ග්‍ර­හණ රැල්ල තව දුර­ටත් ඉහළ දම­මින් ගුවන් හමුදා පිල සමග පැවැති දෙවැනි වටයේ තර­ග­යත් ලකුණු 29-12කින් ජය­ග­ත්තේය. මේ තර­ගයේ පරා­ජ­යත් සමග ගුවන් හමුදා පිලට කුස­ලාන වට­යට සුදු­සු­කම් ලැබීමේ අව­ස්ථාව අහි­මිවී ගිය අතර ඔවුන් පළඟ ශූරතා වට­යට ඇතු­ළත්ව සිටී. පොලිස් පිලට කුස­ලාන වට­යට සුදු­සු­කම් ලැබීමේ අව­ස්ථාව උදා කර­ගැ­නී­මට අවශ්‍ය වී ඇත්තේ තවත් එක් ජය­ග්‍ර­හ­ණ­යක් පමණි.   

පොලිස් පිටියේ පසු­ගි­යදා පැවැති මේ තර­ගයේ පළමු භාග­යේදී එහෙම පිටින්ම ගුවන් හමුදා පිල පීඩ­න­යට ඇද දැමූ පොලිස් ක්‍රීඩ­කයෝ උත්සා­හක දිනුම් 4ක්ම තැබී­මට සම­ත්වූහ. ලකුණු 29-0කින් තර­ගයේ පළමු භාගය නිමා­වට පත් කළ ද දෙවැනි භාග­යේදී ලකුණු ලැබීමේ අව­ස්ථාව අහුරා දැමූ ගුවන් හමුදා පිල උත්සා­හක දිනුම් 2ක් තැබී­මට සම­ත්වූ­වත් ජය­ග්‍ර­හ­ණ­යට එය ප්‍රමා­ණ­වත් නොවීය.  

පළමු භාග­යේදී පොලිස් පිල වෙනු­වෙන් නිසල් සමාධි, කසුන් රාජ­ක­රුණා, ශාන් අකිල සහ උදය සංජුල උත්සා­හක දිනුම් තැබූ අතර යොහාන් පීරිස් උත්සා­හක දිනුම් 3ක්ම ගෝල බවට පත් කළේ දඬු­වම් පහ­රක් ද සාර්ථක කර­මිනි. දෙවැනි භාග­යේදී ගුවන් හමුදා පිල වෙනු­වෙන් තිමිර අමන්ද සහ ශෂික ප්‍රනාන්දු උත්සා­හක දිනුම් තැබූ අතර ගයන්ත ඉද්ද­ම­ල්ගොඩ එක් උත්සා­හක දිනු­මක් ගෝල­යක් බවට පත් කළේය.  

මහ­නු­වර අප­රා­ජි­තව 

කුස­ලාන වට­යට  

මේ අතර නාවික හමුදා ක්‍රීඩා සමා­ජ­යට එරෙ­හිව ලකුණු 39-28ක ජයක් වාර්තා කළ මහ­නු­වර ක්‍රීඩා සමා­ජය අන්තර් සමාජ පළ­මු­පෙළ ලීග් රග්බි තර­ගා­ව­ලියේ සිය අප­රා­ජි­ත­භා­වය තව දුර­ටත් රැක­ග­නි­මින් පෙර­මුණ ගැනී­මට සම­ත්විය. මේ තර­ගයේ ජය­ග්‍ර­හ­ණ­යත් සමග මහ­නු­වර පිල කුස­ලාන වට­යට එක්වූ පළමු කණ්ඩා­යම බවට පත්විය.  

වැලි­සර නාවික හමුදා පිටියේ පසු­ගි­යදා පැවැති මේ තර­ගයේ පළමු භාගය නිමා­ව­න­විට ලකුණු 19-13කින් පෙර­මුණ ගත් මහ­නු­වර පිල තර­ගය පුරා ගෝල් 4ක්, උත්සා­හක දිනු­මක් සහ දඬු­වම් පහර 2ක් වාර්තා කළ අතර නාවික හමුදා පිල රැස් කළේ ගෝල් 2ක්, උත්සා­හක දිනු­මක් සහ දඬු­වම් පහර 3ක් පමණි.   

හැව්ලොක්ස් ජය ගනී  

මෙවර තර­ගා­ව­ලියේ දැඩි පසු­බෑ­ම­කට ලක්වූ සී.එච්.ඇන්ඩ් එෆ්.සී. ක්‍රීඩා සමා­ජය පළඟ ශූරතා වට­යට තල්ලු කර­මින් දෙවැනි වටයේ සිය ජය­ග්‍රාහී මාවත විවර කර­ගැ­නී­මට හැව්ලොක්ස් ක්‍රීඩා සමා­ජය සම­ත්විය. දෙවැනි වටයේ ආර­ම්භයේ සිටම පීඩ­න­යට හසුවී සිටි හැව්ලොක්ස් පිල පෙරේදා සී.එච්.පිල සමග පැවැති තර­ග­යෙන් ලකුණු 40-37ක තියුණු ජයක් වාර්තා කර­මින් කුස­ලාන වටයේ බලා­පො­රොත්තු ඉහළ දමා­ග­ත්තේය.  

හැව්ලොක්ස් පිටියේ පැවැති මේ තර­ගයේ පළමු භාගය නිමා­ව­න­විට හැව්ලොක්ස් පිල ලකුණු 20-17කින් පෙර­මුණ ගත් අතර තර­ගය පුරා ගෝල් 4ක් සහ දඬු­වම් පහර 4ක් වාර්තා කළ අතර සී.එච්.පිල ලැබුවේ ගෝල් 2ක්, උත්සා­හක දිනුම් 4ක් සහ දඬු­වම් පහ­රක් පමණි. හැව්ලොක්ස් පිලේ ජය­ග්‍ර­හ­ණ­යට කදිම දාය­ක­ත්ව­යක් ලබා දුන් නායක මිතුන් හපු­ගොඩ උත්සා­හක දිනුම් ද්විත්ව­යක් තැබීම කැපී පෙනුණි.   

සමන්ත වීර­සිරි

ෆවුස් මොහො­මඩ්