ග්‍රෑන්ඩ්පාස් ද්විත්ව ඝාතනයේ තවත් සැකකරුවෙක්ට අත්අඩංගුවට

ග්‍රෑන්ඩ්පාස් පොලිස් වසමේ මාදම්පිටිය කනත්ත අසළ දී පසුගිය මස 15වනදා දෙදෙනෙක් කපා කොටා ඝාතනය කිරීමේ සිද්ධියට සම්බන්ධ  සැකකරුවෙක් පෑලියගොඩ 04 කණුව අසළ දී අත්අඩංගුවට ගෙන තිබේ.

 

මෙම වැටලීම සිදුකර ඇත්තේ සංවිධානාත්මක අපරාධ නිවාරණ කොට්ඨාසයේ නිලධාරීන් විසින් ඊයේ (02) සවස 5.30ට පමණ බව පොලිස් මාධ්‍ය ප්‍රකාශක කාර්යාලය නිවේදනය කළේය.  

 

24 හැවිරිදි දිල්ෂාන් මධුවන්ත නමැති සැකකරු පර්ගියුෂන්පාර, කොළඹ 15 ප්‍රදේශයේ පදිංචිකරුවෙකි. ඔහු අද (03) අළුත්කඩේ අංක 04 අධිකරණයට ඉදිරිපත් කිරීමට නියමිතය.

 

පසුගිය 15 වැනිදා සවස 4.00 පමණ පුද්ගලයින් දෙදෙනෙකුට ත්‍රීරෝද රථයකින් පැමිණි පිරිසක් මන්නා පිහිවලින් පහරදී කපා කොට බරපතල තුවාල සිදුකිරීමෙන් අනතුරුව කොළඹ ජාතික රෝහලට ඇතුලත් කිරීමෙන් පසු ඔවුන් මිය ගියේය.