මුස්ලිම් අන්තවාදී සංවිධාන වලට සම්බන්ධවී රැඩිකල් මත දරන මුස්ලිම් තරුණයන් දස දහස් සංඛ්‍යාත පිරිසක් ගැන තොරතුරු ආරක්ෂක අංශ වෙත වාර්තා වී තිබෙන අතර ඔවුන් කඩිනමින් පුනරුත්ථාපනය කිරීම සඳහා වැඩසටහනක් ජාතික ආරක්ෂාව පිළිබද පාර්ලිමේන්තු ආංශික අධීක්ෂණ කාරක සභාවේ දී දීර්ඝ වශයෙන් සාකච්ඡා කර තිබෙන බව වාර්තා වේ.
එක් මුස්ලිම් අන්තවාදී සංවිධානයකට මෙවැනි මුස්ලිම් තරුණයන් 20,000ට ආසන්න සංඛ්‍යාවක් සම්බන්ධ වී තිබෙන බවට තොරතුරු වාර්තා වී තිබෙන බවත් එවැනි මුස්ලිම් අන්තවාදී සංවිධාන 15 – 20 ක් අතර සංඛ්‍යාවක් රට තුල ක්‍රියාත්මකව පවතින බවත් මෙහිදී තොරතුරු හෙළිදරව් වී ඇත.
මේ ආකාරයෙන්ම මුස්ලිම් අන්තවාදී සංවිධාන වලට සම්බන්ධ වන්නේ දස දහස් ගණනක් වන මුස්ලිම් තරුණයන් ගේ මනස නිවැරදි මාර්ගයට ගෙන ඒම කඩිනමින් සිදු කළ යුතුව තිබෙන බවත් ඒ සඳහා සිදු කරනු ලබන පුරුත්තාපන වැඩ සටහනේ ව්‍යුහය සහ එහි ක්‍රියාත්මක කරන ආකාරය මෙම ජාතික ආරක්ෂාව පිළිබඳ පාර්ලිමේන්තු ආංශික අධීක්ෂණ කාරක සභාවේ දී සාකච්ඡා වී තිබේ.
එහි මූලික වර්තාවක් ජාතික ආරක්ෂාව පිළිබඳ පාර්ලිමේන්තු ආංශික අධිකරණ කාරක සභා විසින් පාර්ලිමේන්තුවට ඉදිරිපත් කිරීමට නියමිතය. ආරක්ෂක අංශ ප්‍රධානීන් ඇතුළු නියෝජිතයින් අමාත්‍යාංශ ගණනාවක ජ්‍යෙෂ්ඨ නිලධාරින් ඇතුළු අදාළ ආයතන රැසක නියෝජිතයන්ගේ සහභාගිත්වයෙන් මේ දිනවල ජාතික ආරක්ෂාව පිළිබඳ පාර්ලිමේන්තු ආංශික අධීක්ෂණ කාරක සභාව රැස් වෙන්නේ එහි සභාපති එක්සත් ජනතා නිදහස් සන්ධානයේ පාර්ලිමේන්තු මන්ත්‍රී මලිත් ජයතිලක මහතාගේ ප්‍රධානත්වයෙනි.
0 Comments