නව ව්‍යවස්ථාවක් සම්බන්ධයෙන් ඇතැමුන් අදහස් පළ කළද මේ වනතෙක් තමා වෙත එවැනි ලියවිල්ලක් ලැබී නොමැති බවත් , ඒ පිළිබඳව තමන් දැනුවත් වී නොමැති බවත් ජනාධිපති මෛත්‍රීපාල සිරිසේන මහතා පවසයි.
හොරණ ඓතිහාසික ඔලබොඩුව ශ්‍රී ජයවර්ධනාරාම රජමහා විහාරස්ථානයේ පැවැති ආගමික වැඩසටහනකට එක්වෙමින් ජනාධිපතිවරයා මේ බව සඳහන් කළේය.
හොරණ ඓතිහාසික ඔලබොඩුව ශ්‍රී ජයවර්ධනාරාම රජමහා විහාරස්ථානයේ අභිනවයෙන් ඉදිකරන ලද උපෝසථාගාරය සඟ සතුකොට පූජා කිරීමේ පිංකම ඊයේ(31) ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වුණි.
මෙම අවස්ථාවට හිටපු ආරක්ෂක ලේකම් ගෝඨාභය රාජපක්ෂ මහතා ද එක්ව සිටියේය.
මෙ අතර ජනාධිපති මෛත්‍රීපාල සිරිසේන මහතා අද පෙරවරුවේ රාජගිරියේ පිහිටි මුදල් කොමිෂන් සභා නව ගොඩනැඟිල්ල විවෘත කිරීමේ අවස්ථාවටද එක්වුණි.
අනතුරුව ජනාධිපති මෛත්‍රීපාල සිරිසේන මහතා රාජගිරියේ පිහිටි පැය 24 පුරා නොමිලේ සේවා සපයන 1990 සුව සැරිය හදිසි අවස්ථා ගිලන් රථ සේවා මූලස්ථානයේ නිරීක්ෂණය කරනු ලැබුවේය.
0 Comments