අධ්‍යයන පොදු සහතික පත්‍ර උසස් පෙළ විභාගයේ දෙවන අදියරේ ඇගයීම් කටයුතු මේ මස 11 වන දින සිට සිදු කෙරෙන බව විභාග දෙපාර්තමේන්තුව සඳහන් කර සිටී. දෙවන අදියරේ ඇගයීම් කටයුතු ලබන 24 වන දින දක්වා සිදු කිරිමට නියමිත බව එම දෙපාර්තමේන්තුව සඳහන් කරයි. ඇගයීම් කටයුතු සඳහා පාසල් 24ක් යොදා ගැනිමට නියමිතයි.
ඒ අතරින් පාසල් 04ක් ඇගයීම් කාලය තුළ සම්පූර්ණයෙන් වසා තැබෙන අතර පාසල් 20ක කොටසක් පමණක් වසා දමමින් ඇගයීම් කටයුතු සිදු කිරිමට සැලසුම් කර ඇති බව විභාග කොමසාරිස් ජනරාල් සනත් පූජිත පවසා සිටී.
කොළඹ ආනන්ද විද්‍යාලය, කළුතර ගුරුළුබෝමි මහා විද්‍යාලය, ගාල්ල සුදර්මා විද්‍යාලය, මාතර ශාන්ත සර්වේසස් විද්‍යාලය, ලබන 11 වනදා සිට ඇගයීම් කටයුතු සදහා පූර්ණ වශයෙන් වසා තැබෙන අතර එම පාසල් ලබන 25 වනදා යළි විවෘත කිරිමට නියමිත බව සඳහන් වෙයි.
The post පාසල් 04ක් සම්පූර්ණයෙන්ම වැසෙයි. appeared first on Lanka News Column.
0 Comments