වෙළෙඳ සේවා 35 වැනි ක්‍රීඩා උළෙලේ අවුරුදු 55න් ඉහළ මීටර් 100, 200 සහ 400 තරග ඉසව්වලින් එම වයස් කාණ්ඩයේ නව ශ්‍රී ලංකා වාර්තා බිහි කරමින් එම තරග ඉසව් ත්‍රිත්වයේදීම රන් පදක්කම් දිනාගැනීමට ශ්‍රීලාල් අලහකෝන් සමත්විය.
පසුගියදා සුගතදාස ක්‍රීඩාංගණයේ පැවැති මේ ක්‍රීඩා උළෙලේදී ඔහු මීටර් 100 තරග ඉසව්ව තත්පර 13.04කින් නිමා කරමින් මීට පෙර තිබූ තත්පර 13.50ක වාර්තාව බිඳ දැමූ අතර මීටර් 200 තරග ඉසව්ව තත්පර 27.6කින් නිමා කර මීට පෙර ඔහු විසින් තබනු ලැබූ තත්පර 28.06ක වාර්තාව බිඳ දැමුවේය. මීටර් 400 තරග ඉසව්ව වි.1.තත්.03.50කින් නිමා කරමින් ඔහුගේ පැරැණි වාර්තාව වූ වි.1.තත්.06.6ක වාර්තාව බිඳ දැමීමට සමත්විය.
මේ ජයග්‍රහණයත් සමග ලබන සැප්තැම්බර් මස 4 වැනිදා සිට 18 දක්වා ස්පාඤ්ඤයේ පැවැත්වෙන ලෝක ප්‍රවීණයන්ගේ මළල ක්‍රීඩා ශූරතාවලියට ඔහුගේ සහභාගීත්වය තහවුරු කරගත්තේය. සිය ක්‍රීඩා ජීවිතයට නිරතුරුවම දායකත්වය ලබාදෙන මීරිගම කණ්ඩලම ආයුර්වේද වෛද්‍ය රණතුංග මහතා සහ සිය පුහුණුකරු කිරිබත්ගොඩ උපුල් මංජුල ස්තූති පූර්වකව සිහිපත් කරයි.
0 Comments